Æ,æ,æ, hvaða endemis vitleysa er þetta?

Þar sem ég fór inn á síðuna mína núna rétt áðan brá mér í brún því mér hafði orðið á að skrifa umhugsun í tveimur orðum.  Hvaða bull var nú það.  Þetta er hreint með ólíkindum.  Ætli ég hafi bara ekki verið að hugsa um eitthvað allt annað og hugurinn farið á flakk. 

Áður en ég verð hökkuð niður í spað vil ég biðja alla íslenskufræðinga svo og aðra sem þetta lásu sem létu þessa óhugsuðu setningu fara í pirrurnar á sér velvirðingar og lofa að vanda mig betur í framtíðinni og hugsa um hvað ég er að setja niður hér á blogginu.  Ég er nú samt alveg í rusli en er að reyna að friða samviskupúkann með því að halda því fram að enginn sé fullkominn.