Áramótakveðja héðan frá Stjörnusteini

..GAMLÁRSKVÖLD er sú stund sem minnir okkur best á vanmátt sjálfsins í tímanum.  Þannig kemst   Búi Árland að orði í Atómstöðinni.  Dulítið sem vert er að hugleiða á tímamótum.

Öll skiljum við eftir eitthvað af okkar sjálfi í formi minninga þegar gamla árið kveður  og vonandi horfa flestir björtum augum til komandi árs 2008.  Að lifa fyrir líðandi stund og getað þakkað fyrir hvern dag, hvort sem okkur finnst hann hafa verið okkur gjöfull eða erfiður er mikil kúnst en ætti að takast ef við leggjum okkur fram.  Grasið er heldur ekki alltaf grænna hinum megin girðingar.

Við hér að Stjörnusteini óskum ykkur öllum farsældar á nýju ári hvar sem þið eruð stödd í heiminum.  Þökkum vináttu ykkar á lífsleiðinni og sendum ykkur ljós á nýju ári 2008.       

Athugasemdir

[Syrrý (IP-tala skráð) 31.12.2007 kl. 17:28]

Vel orðað og gæti ekki verið meira sammála.  

Kæru Ía, Þórir, Egill, Soffía og fjölskyldur óska ykkur gleðilegs árs og farsældar á því nýja. 

[Sigrún Erla og Egill (IP-tala skráð) 1.1.2008 kl. 14:00]

Gleðilegt nýtt ár elsku Ía og takk fyrir það gamla, það var frábært að sjá ykkur svona oft á árinu sem er liðið.

Þar sem við Egill vorum að lesa síðuna þína núna rétt í þessu sagði Egill með angurværri röddu þrunginni góðum minningum: "mikið væri ég til að fara í rest til Íu núna". Af raddblænum að dæma er það greinilega það besta sem er hægt að gera á nýársdag ;o).

En við komumst víst ekki í dag og skilum því kveðju til ykkar Þóris og Egils, Bríetar og Elmu Lindar, já og sjálfsögðu Errós.

Góða rest, Sigrún Erla og Egill.