Fer skammdegið svona illa í ykkur?

Ég er nú viss um að Fischer karlinn hefur verið búinn að gera einhverskonar ráðstafanir varðandi útför og greftrun eins sérvitur og hann var.  Nú svífur hann yfir ykkur og hlær hásum hrossahlátri yfir allri vitleysunni og hversu auðvelt var að hafa ykkur í vasanum. 

 Nei í alvöru tala.  Leggja hann til hinstu hvílu við hlíð Jónasar eru menn ekki með fullu viti þarna.  Fer skammdegið svona illa í ykkur eða hvað?  Á síðan að reisa aðra súlu með logandi kyndli.  Ég er ekkert að gera lítið úr Fischer.  Merkur maður sem á allt gott skilið, en jarðsetja hann á Þingvöllum!  Hvað með okkur öll hin? 

Fischer grafinn á Þingvöllum?

Athugasemdir

[Linda (IP-tala skráð) 20.1.2008 kl. 10:04]

Segðu! Ég er svo gáttuð að ég er nærri orðlaus. Til mikillar gleði hérna heima hjá mér

En í alvöru talað, þessir "stuðningsmenn" hans Bobby Fischer eru auðvitað truflaðir á geði eftir óheflað hugmyndarúnk (pardon my french) sem á sér augljóslega enga stoð í raunveruleikanum. Ég skil vel að þeir vilji reisa minnis súlu eða eitthvað álíka, um hetjuna sína, en að leggja til að karlinn verði grafinn á Þingvöllum er svo langt út úr kortinu að maður hefur áhyggjur af því hvort ekki sé bara um elliglöp að ræða. Eða verða allir taflmenn svona ruglaðir?

[Markús frá Djúpalæk, 20.1.2008 kl. 10:27]

Skákmenn - taflmenn eru litlu kvikindin sem þeir færa fram og til baka á taflborðinu.

[linda (IP-tala skráð) 20.1.2008 kl. 10:31]

Markús - þetta var svona metafórískt hjá mér