Kríuvargurinn mættur á svæðið

Jæja fyrst Krían er komin þá hlýtur sumarið að vera rétt handan við hornið.  Hér sjáum við nú ekki þennan gargandi fugl en í kvöld stóðum við nokkur saman á svölum Sænska Sendiráðsins hér í Prag og ræddum um fálkann sem jafnan svífur þar tignalega yfir þegar kvölda tekur. 

Ég og Norski sendiherrann vorum að furða okkur á því hvað hefði orðið um kauða, mér datt helst í hug að hann hefði yfirgefið borgina vegna fjölda túrhesta undanfarna daga.  Umræðan snérist síðan um fiðrildi og önnur náttúruundur veraldar.

Allt í einu birtist sá gamli yfir okkur og hnitaði nokkra hringi fyrir ofan okkur eins og hann vildi segja:  Hér er ég gömlu vinir, ég hef ekki yfirgefið ykkur. 

Við Peter gengum síðan saman til borðs fegin því að fálkinn okkar hafði ekki yfirgefið borgina þrátt fyrir allt.

Krían komin á Nesið

Athugasemdir

[Ólína Kjerúlf Þorvarðardóttir, 13.5.2008 kl. 23:11]

Fálkinn og Krían eru fallegir fuglar. Sérstaklega held ég upp á Kríuna, hún er svo ótrúlega fim í loftinu og skemmtilega aðgangshörð (þó það sé nú ekkert sérklega gaman að fá hana í hausinn).

Bestu kveðjur.

[Jenný Anna Baldursdóttir, 14.5.2008 kl. 00:50]

Íslendingur og Norðmaður ræða saman í sænska sendiráðinu.  Krúttlegt.  En hvar var Finninn og þá Daninn?  Í íslenska sendiráðinu?  Hehe