Litil hjartaknúsarinn fór í úlilli í dag.....

..... og það er allt svo kyrrt og hljótt.  Eftir situr amman og reynir að koma einhverju í verk en það gengur frekar erfiðlega.  Fyrst þarf maður að ná sér aðeins niður og koma hugarástandinu í réttar skorður síðan er að takast á við þetta daglega sem hefur setið á hakanum undanfarnar vikur.

En allt kemur þetta með kalda vatninu það er víst alveg öruggt mál.

Í gær áttum við góðan dag saman öll fjölskyldan.  Borðuðum síðbúinn hádegisverð á Reykjavík og síðan héldum við Soffía mín saman í smá búðarleiðangur þar sem amman missti sig aðeins í innkaupum á litla skriðdrekann, en ömmur sem búa í útlöndum hafa leyfi til að missa sig öðru hvoru og það er bannað að segja: Mamma ertu rugluð veistu hvað þetta kostar.  Þá hvæsir amman aðeins á dóttur sína og segir:  Þér kemur ekkert við hvað ég geri, þetta er mitt mál og ekki orð um það meir.  Dóttirin hristir rauða kollinn sinn og muldrar:  Þú er bara ekki í lagi og svo er málið dautt.

Ég sé nú fram á að ég muni hafa í nógu að stússast næstu vikur svo hér verður svo sem engin lognmolla frekar en fyrri daginn.  Á morgun koma góðir vinir okkar, Inga og Jói og gista hér hjá okkur nokkrar nætur.  Það verður bara gott að fá fólk í húsið þá finnur maður ekki eins fyrir þessum hræðilega tómleika sem umlykur okkur hér í dag.

Hafið það náðugt elskurnar þar til ég kem inn næst.

 

Athugasemdir

[Jenný Anna Baldursdóttir, 13.8.2008 kl. 16:46]

Sendi þér megaknús yfir hafið elsku Ía, var að kveðja minn litla Oliver í morgun og er tóm í hjarta.

[Hulla Dan, 13.8.2008 kl. 17:33]

Bara rétt að kíkja við fyrir næturvakt.

Hafðu náðugt kvöld.

[Ásdís Sigurðardóttir, 14.8.2008 kl. 01:43]

    

[Lilja Guðrún Þorvaldsdóttir, 14.8.2008 kl. 02:09]

Æ, elsku Ía mín!  Það er allt svo tómt,  og svo þessi þögn ! Allsstaðar þögn sem æpir á mann.   

[Sigrún Jónsdóttir, 14.8.2008 kl. 10:12]

Knús inn í daginn Ía mín

[Guðrún Emilía Guðnadóttir, 14.8.2008 kl. 16:09]

Æ nú skil ég þig svo vel, maður verður alveg tómur er þau fara þessi litlu skinn.
En allt er nú að falla í eðlilegan vetrarfarveg skólarnir að byrja gestagangur að mestu búin, eða þannig við tekur undirbúningur aðventu og jóla, það er allavega svoleiðis hjá mér.
Knús til þín Ía mín.
Milla.

[Jóhanna Magnúsar- og Völudóttir , 15.8.2008 kl. 13:55]

[Ía Jóhannsdóttir, 17.8.2008 kl. 08:23]

Stórt sunnudagsknús á ykkur öll þarna úti