Prag tók á móti mér í litskrúði haustsins

Þegar ég renndi til Keflavíkur klukkan fimm í morgun með stírur í augum og geispa niður í maga voru tilfinningarnar heldur blendnar. Auðvitað hlakkaði ég til að fara heim en um leið fór um mig óhugur yfir að skilja ykkur öll eftir þarna í volæði og óstjórn. 

 Þar sem ég sat í vélinni og horfði niður á landið mitt, sem pínulítil snjóföl þakti eftir úrkomu næturinnar, langaði mig helst til að hrópa niður til ykkar allra: Verið sterk og standið saman gegn allri þessari spillingu sem verið hefur og óstjórn!  Það birtir til, verið viss!

En hvað veit ég vanmáttug konan sem bý ekki einu sinni þarna uppi.

Sveitin mín tók á móti mér í sínum fegurstu haustklæðum sem glóðu í síðdegissólinni.  Mikið var gott að koma heim.

Ég er komin í skotið mitt í eldhúsinu.  Minn elskulegi er ekki væntanlegur fyrr en eftir miðnætti þar sem hann varð að fara snemma í morgun til borgarinnar Zlín í embættiserindum.  

Ég verð sjálfsagt farin að gæla við koddann þegar hann birtist og komin inn í draumheima.

Lái mér hver sem er, ósofin kona með hroll í hjarta yfir öllu óstandinu á gamla landinu.   

Athugasemdir

[Hallgerður (IP-tala skráð) 2.10.2008 kl. 19:37]

Falleg hugleiðing frá fallegri konu  ..

[Þröstur Unnar, 2.10.2008 kl. 19:48]

Þegar þú lýsir þessu svona, langar mann alveg eitthvað í burtu. Tala nú ekki um ef maður ætti svona skot einhverstaðar.

En við erum víkingar og reddum okkur.............

[Jenný Anna Baldursdóttir, 2.10.2008 kl. 19:49]

Knús á þig og mér finnst svo notalegt að vita af þér í horninu á Stjörnusteini.

[Guðrún Emilía Guðnadóttir, 2.10.2008 kl. 19:51]

Takk ljúfust fyrir að hafa áhyggjur af okkur en við spjörum okkur út úr þessu.
vertu bara velkomin heim til þín Ía mín.
Knús knús Milla.

[Sigrún Jónsdóttir, 2.10.2008 kl. 21:50]

Örugglega gott að vera komin heim Ía mín og það er gott að heyra af þér

Er að hlusta á "háttvirta" þingmenn og ráðherra - ráðaleysið er algjört, og ég er kvíðin fyrir framhaldinu.

[Gudrún Hauksdótttir, 3.10.2008 kl. 07:57]

Ég sé tig alveg fyrir mér í skotinu tínu í eldhúsinu.Ég sé líka fyrir mér haustid taka á móti tér med litagledi nátturunnar.

Madur hefur mikklar áhyggjur af landi og tjód.Vid vitum líka ad íslendingar eru sterkastir allra tjóda.

Fadmlag á tig kæra Ía og velkomin í slottid titt.

[Jónína Dúadóttir, 3.10.2008 kl. 09:45]

[Kristín Gunnarsdóttir, 3.10.2008 kl. 10:40]

'Ia mín, það er ábyggilega gott að vera komin heim  í stjörnustein, þetta hefur sennilega ekki verið nein gleðiför á óhamíngjulandinu að einu leiti, það er á hreinu