Jólagleði að Stjörnusteini.

Það var jólalegt hér á föstudagskvöldið þegar gestir okkar keyrðu í hlað. Jólasnjórinn kom eins og eftir pöntun og eins og einhver hafði á orði, þetta var eins og að stíga inn í fallegt jólaævintýri.

Á slaginu hálf átta runnu bílarnir hér að útidyrunum hver á eftir öðrum eins og lög gera ráð fyrir.  Hvað ég kann að meta þessa diplómatísku stundvísi.  Engin hætta á að steikin brenni í ofninum eða súpan sjóði upp úr.

Íslenska kreppan var afgreidd yfir fordrykknum og gaf sendiherrann okkar öllum smá yfirlit yfir allt okkar ófremdarástand.  Snyrtilega afgreitt Sveinn Björnsson, takk fyrir það.

Minn elskulegi stóð sig eins og honum einum er lagið í eldhúsinu og framreiddi hvern eðalréttinn á fætur öðrum.  Hangikjötstartar sem við renndum niður með Svarta dauða.  Humarsúpu með mango, önd sem allir stóðu á öndinni yfir og í lokin ferskum ávöxtum með kampavínssósu.  

 Knús á þig kallinn minn.  Held bara að þér fari fram með hverju árinu.

Möndlugjöfina fékk danski sendiherrann.  Flunkunýja Skoda Oktaviu.  Nei ekki í fullri stærð bjánarnir ykkar, bara svona mini bíl.

Þessi árlegu jólaboð okkar hafa nú alla tíð þótt dálítið spes enda nenni ég ekki að halda stíf og leiðinleg boð þar sem allir sitja með hátíðarsvip og halda uppi einhverskonar gervi samræðum.

Í ár vorum við frá sex þjóðlöndum og sumir gesta okkar hér í fyrsta skipti.  Eftir aðalréttinn sló ég í glas og sagði að nú væri komið að því að tekið yrði lagið.  Ég hef það fyrir sið að láta einn frá hverri þjóð syngja fyrir hópinn jólalag frá sínu heimalandi. Þetta vekur alltaf mikla kátínu og í ár voru lögin frá Baltik löndunum dálítið framandleg og fyndin.

Ég tók í ár Göngum við í kring um einiberja runn, það er að segja þau vers sem ég mundi eftir og lék allan pakkann fyrir hópinn.  Skúraði, þvoði þvott og gekk kirkjugólf með miklum tilþrifum.

  Fékk bjartsýnisverðlaunin í ár!

 

 

 

  

 

 

Athugasemdir

[Jenný Anna Baldursdóttir, 14.12.2008 kl. 20:55]

[Sigrún Jónsdóttir, 15.12.2008 kl. 00:20]

Þetta hefur verið skemmtileg veisla og húsið er yndislega jólalegt

[Kristín Gunnarsdóttir, 15.12.2008 kl. 08:50]

Þetta hefur verið yndislegt og hvað það er orðið jólalegt hjá ykkur. Hér er bara grátt en mikil ástæða til að vera með kertaljos frá morgni til kvölds. Kærleikur til þín 'Ia mín

[Ásdís Sigurðardóttir, 15.12.2008 kl. 10:04]

Rosalega gaman heyrist mér, til lukku með vel heppnaða veislu.  Snjórinn hefur verið sérsendng til þín.

[Eva Benjamínsdóttir, 16.12.2008 kl. 13:28]

Yes! Almennilegt partý!!! Til hamingju með strákinn þinn sæta og lífið allt.

[Sigga Vín (IP-tala skráð) 18.12.2008 kl. 11:10]

Elsku Ía mín,

Aftur ástarþakkir fyrir kvöldverðarboð aldarinnar. Ein sú albesta máltíð sem ég hef smakkað !!

Þið eruð snillingar bæði tvö. Já þetta var eins og að vera þátttakandi í ævintýraheimi að koma til ykkkar - eins og reyndar alltaf þegar við komum. Knús til Þóris. Heyrumst fljótlega.

Þín Sigga í Vín