Merkisdagur fyrir 34 árum!

Hann lá við hliðina á mér fyrir 34 árum, bústinn og vel af Guði gerður eins og sagt var. Þvílíkt undur og stórmerki!  Þetta gátum við ungu hjónin úr Breiðholtinu. 

Ég man það eins og það hefði gerst í gær þegar sjúkramennirnir roguðust með mig niður stigann í körfunni klukkan fjögur að morgni, konu ekki einsamla og tuttugu kílóum þyngri fyrir utan fæðingavigtina.  Ég hafði  stórar áhyggjur af því að þeir mundu missa mig, þetta rosa flykki sem ég var og  missa mig af börunum.  Sagðist skildi drepa þá ef þeir létu mig húrra niður stigann.

Aðeins nokkrum tímum seinna fæddist frumburðurinn okkar hann Egill og þvílíkur strákur.  Mér fannst hann fallegastur af öllum börnunum á Fæðingarheimilinu.

  Þessi mynd er tekin við skírn Elmu Lindar í janúar og eins og þið sjáið þá hefur tognað aðeins úr mínum strák.  Nú velmetinn verslunareigandi hér í Prag m.m. 

Innilega til hamingju með daginn Egill minn.  Njóttu vel og sjáumst á eftir.

Athugasemdir

[Ásdís Sigurðardóttir, 15.12.2008 kl. 10:08]

Innilega til hamingju með drenginn ykkar.

[Jenný Anna Baldursdóttir, 15.12.2008 kl. 10:28]

[Kristín Gunnarsdóttir, 15.12.2008 kl. 11:32]

Innilegar hamingjuóskir með strákinn Ía mín

[Hallgerður Pétursdóttir (IP-tala skráð) 15.12.2008 kl. 13:46]

Eplið fellur sjaldnast langt frá Eikinni. Til hamingju peð peyjann..

[Jónína Dúadóttir, 15.12.2008 kl. 19:02]

[Sigrún Jónsdóttir, 15.12.2008 kl. 21:31]

Til hamingju með þennan flotta strák Ía mín

[Ía Jóhannsdóttir, 15.12.2008 kl. 21:35]

Takk fyrir allar góðu kveðjurnar stelpur mínar. 

[Guðrún Þorleifs, 15.12.2008 kl. 23:31]

Til hamingju með frumburðinn og flotta jólaveislu Lýst vel á svona "söngleiki" í veiislum.

Kær kveðja frá Als, þar sem verkefnið fer að klárast