Er nú ekki hér valhoppandi af kæti eftir Karlsbrúnni

Fólk hefur verið að hnippa í mig síðustu daga og spyrja hvort ég ætli ekki að halda áfram að blogga.  Jú auðvitað en það er bara ekkert fréttnæmt héðan úr héraði og mér ekki fundist ég hafa neitt merkilegt að segja. 

Ekki nenni ég að tala um veðrið en bara svo þið vitið það þá er hér lægð, rigning og rok, hálfgert haustveður.  Ánægð?

Það er nú ekki svo vel að maður sé mikið að dandalast í bænum en gerði góða tilraun á fimmtudaginn sem tókst vel framan af en auðvitað ofbauð ég aðeins mínum eðal skrokk svo ég fékk aðeins að kenna á því daginn eftir.

Ekki halda að ég hafi verið að taka einhver dansspor eða valhoppa eftir Karlsbrúnni af kæti yfir því að komast aðeins út fyrir lóðarmörkin, nei þetta var bara stuttur hittingur og síðan kvöldmáltíð en henni hefði ég átt að sleppa.

 Ætla að prófa aftur næsta fimmtudag en taka það þá með skynsemi.

Svo bíð ég ykkur öllum góða nótt og dreymi ykkur vel. 

Kem hress inn á morgun. 

Athugasemdir

[Halla Guðmundsdóttir (IP-tala skráð) 23.3.2009 kl. 21:12]

Gott að heyra Ía mín að allt gengur eins vel og hægt er.

Knús og kveðjur til ykkar.

[Guðrún Emilía Guðnadóttir, 23.3.2009 kl. 21:18]

Elskan mín veðrið sjáum við í veðurspá ef við viljum, það eru fréttir af þér sem við vonumst til að fá og nú takk elskan fyrir þetta og farðu vel með þig.
Ljós og kærleik til þín
Milla.

[Ragnheiður , 23.3.2009 kl. 21:23]

Knús á þig og farðu vel með þig, og varlega á fimmtudaginn. Mér dettur ekki í hug að segja þér að vera heima, ég skil þig svo vel að vilja komast aðeins að heiman.

[Sigrún Jónsdóttir, 24.3.2009 kl. 00:39]

Farðu vel með þig Ía mín, þetta kemur.  Knús og kveðjur í sveitina ykkar

[Auður Proppé, 24.3.2009 kl. 05:47]

Hoppandi á Karlsbrúnni, þú segir nokkuð, þú gerir það bara þegar þú ert orðin heil heilsu og þá viljum við fá myndir á bloggið, helst smá myndband líka.

[Jónína Dúadóttir, 24.3.2009 kl. 08:25]

[Gudrún Hauksdótttir, 24.3.2009 kl. 09:37]

Gódan daginn Ía mín. tad er flott  ad taka adeins spor á Karlsbrúnni tad hef ég gert 2svar sinnum og ekki tótt neitt leidinlegt.En tú skalt passa ad ofgera tér ekki.Skil, ad tad sé svooooooo dásamlegt ad komast adeins útfyrir lódarmörk er madur hefur verid innilokadur í einhvern tíma.

Knús inn í gódann dag