Hér var líka slegið upp veislu og kampavínið flæddi.

Ég hélt líka grillparý og kampavínið freyddi og dansað var fram á nótt þegar ég frétti að Erró minn hafði eignast fimm hvolpa með tík hér í nágrenninu í óþökk allra.

Gamall maður barði hér að dyrum dag einn fyrir mörgum árum og tilkynnti okkur það með sínu einstaka látbragði, sem okkur hjónum leist nú ekki mikið á þar sem sá gamli skók sér á mjög svo grófan hátt fyrir framan okkur og benti á hundinn. Lyfti síðan upp hendi með útréttum fimm fingrum og með hinni gaf hann þetta skemmtilega merki með einum.  Aumingja karlinn talaði ekki þýsku hvað þá ensku og við ekki sleip í tékkneskunni svo þetta var eina leiðin til að gera sig skiljanlegan. Á meðan hann útlistaði þessu fyrir okkur hló hann svo mikið svo skein í tannlausa gómana að tárin runnu niður hrukkótt andlitið í stríðum straumi.   

Eftir nokkra mæðu skildum við þó að hann átti ekki tíkina heldur nágranni hans.  Við gerðum okkur ferð til að bera afkvæmin augum og tókum hundspottið með okkur í þennan göngutúr.  Þegar við nálguðumst húsið og frúin kom út í garð ansi súr á svip, hélt örugglega að við ætluðum að krefjast peninga fyrir hvolpana, því auðvitað er hægt að græða á svona eðaldýri eins og Erró, kom tíkarspottið í ljós, úfin og ekki einu sinni sæt.

Á meðan við röbbuðum við frúnna stóð minn prins eins og myndastytta og horfði í öfuga átt.  Hann vildi með þessu segja okkur að hingað hefði hann aldrei lagt leið sína og kannaðist ekkert við þessi afkvæmi sín. Það skildi engin voga sér að kenna honum um þessar ófarir tíkarinnar.

Það  fer ekkert á milli mála að einn af hvolpunum varð eftir hér í hverfinu.  Minn verður stjörnuvitlaus ef hann mætir honum á förnum vegi.

Þarna þurfti víst örugglega ekki að stíga neinn dans.  Náttúran sá til þess.  

     

Ástfangnir gíraffar

Athugasemdir

[Jenný Anna Baldursdóttir, 18.4.2008 kl. 15:24]

Krúttkast.  Erro er lausgirt afbragðskrútt.

[Sigurbjörg Sigurðardóttir, 18.4.2008 kl. 16:01]

 Skemtileg frásögn.

[Lilja Guðrún Þorvaldsdóttir, 18.4.2008 kl. 16:15]

En sæt frásögn.  Já, náttúran lætur ekki að sér hæða!

[Ásdís Sigurðardóttir, 18.4.2008 kl. 22:18]

Snilldar frásögn.  Eigðu ljúfa helgi elsku Ía mín     ha ég???

[Eva Benjamínsdóttir, 18.4.2008 kl. 23:32]

Hæ Ía, er ekki yndislegt að viðra sig úti með hubbí og moka upp úr ruslakistu vetrarins. Sagan af Erró smarta farta er fyndinn.... ég á ekkert í þessu hvolpa drasli og snúðugur , mikið vildi ég geta sent þér eitthvað spes einsog Ásdís. Góða helgi og takk fyrir mig.

ps. ég er ennþá að baxa  með tölvuna mína, má þakka fyrir ef hún hrynur ekki á meðan ég skrifa. Þetta stendur þó allt til bóta, ég verð að vera þolinmóð arrrg.

[Eva Benjamínsdóttir, 18.4.2008 kl. 23:33]

[Þorsteinn Briem, 19.4.2008 kl. 13:42]

Það jafnast ekkert á við vorið í Prag. Þú ert nú meira samkvæmisljónið, Ía mín.

Hér svaf köttur í nótt og ég hafði ekki hugmynd um það fyrr en hann vildi komast út í morgun. Kemur og fer út um gluggann. Það er enginn munur á konum og köttum. Fara alltaf sínar eigin leiðir.

[Gunnar Helgi Eysteinsson, 19.4.2008 kl. 23:13]

[Jens Guð, 20.4.2008 kl. 01:01]

  Ég heyrði í þætti Markúsar Þórhallsonar á Útvarpi Sögu í dag að þú kvartaðir undan að heyra ekki í þeirri útvarpsstöð á netinu.  Hann upplýsti að það sé einfalt mál.  Þú þurfit bara að fara inn á heimasíðuna og "smella" á beina útsendingu.