5. febrúar. Fallegur dagur hér í henni Reykjavík.

Hvað er með þessar gæsir sem vappa hér um allar jarðir.  Elta okkur jafnvel hér á bílastæðinu þá sérstaklega ef við erum með matarskjatta meðferðis.  Aldrei verið hrifin af gæsum, þátt fyrir að ég sé mjög elsk af fuglum.

Það er efni hér í stórveislu ef einhver hefur áhuga, en sjálfsagt má nú ekki lóga þessu fiðurfé.

Þegar ég stóð frá henni Eir minni í hádeginu þakkaði ég pent og sagði henni að nú fengjum við frí yfir helgina og ég væri farin á djammið.  Stelpunum á deildinni fannst þetta alveg tilvalið og hvöttu mig óspart til þess að eiga skemmtilega helgi sem ég ætla jú líka að gera.

Hann faðir minn hefði átt afmæli í dag, orðið 91 árs ef hann hefði lifað.  Ég fann fyrir honum með mér í dag og var það góð tilfinning. Við, ég og minn elskulegi skelltum okkur í blómabúð og keyptum nokkur grös sem við færðum móður minni.

Djamið er nú e.t.v. aðeins og stórt tekið upp í sig en ég ætla alla vega að njóta góða veðursins og reyna að gera eitthvað uppbyggjandi.

Góða og skemmtilega helgi kæru vinir og vandamenn. 

 

Athugasemdir

[Guðrún Emilía Guðnadóttir, 5.2.2010 kl. 17:10]

Gæsir eru ekki góðar á þessum árstíma, en skil nú ekki hvað þær eru að álpast í miðri Reykjavík.

Hann Pabbi þinn er örugglega að hjálpa litlu stelpunni sinni og er það vel.

Yndislega helgi til ykkar hjóna
Milla

[Ía Jóhannsdóttir, 5.2.2010 kl. 17:34]

Takk Milla mín.  Já hann er hér núna elsku kallinn.  Það fór aldrei mikið fyrir honum en ég finn hann hér samt.  Góða helgi norður.

[Ragnheiður , 5.2.2010 kl. 18:43]

Góða helgi Ía mín.

Við fáum örugglega oft fylgd á lífsins leið, erfiðu sporin göngum við áreiðanlega aldrei einar.

[Ragna Birgisdóttir (IP-tala skráð) 5.2.2010 kl. 19:19]

Góða helgi Ía mín

[Hrönn Sigurðardóttir, 5.2.2010 kl. 22:06]

Kauptu uppáhaldsblómin þín og stilltu þeim upp í fallegum vasa. Dröslaðu svo vasanum með þér á milli herbergja og njóttu blómanna og helgarinnar.

[Jónína Dúadóttir, 6.2.2010 kl. 07:09]

Góða helgi

[Ásdís Sigurðardóttir, 6.2.2010 kl. 18:11]

 njóttu

[Halla Guðmundsdóttir (IP-tala skráð) 6.2.2010 kl. 20:47]

[Guðrún Emilía Guðnadóttir, 7.2.2010 kl. 10:11]

Góðan daginn þó seint sé, held ég hafi bara komið umskiptingur af spítalanum um daginn, farin að sofa út á morgnanna.
Annars njóttu dagsins með þínu eða bara í einrúmi sem er líka gott.
Kærleikskveðjur
Milla

[Jóhanna Magnúsdóttir, 7.2.2010 kl. 10:37]

 Til hamingju með pabba þinn í fyrradag ;-)

[Jóhanna Magnúsdóttir, 7.2.2010 kl. 10:38]

p.s. við höldum alltaf upp á afmæli pabba, þó hann hafi dáið fyrir rúmum 40 árum og syngjum afmælissönginn við leiðið hans. Ég er viss um að hann kíkir við.

[Gudrún Hauksdótttir, 13.2.2010 kl. 07:33]

Tad er aldeilis líf (Fuglalíf)kringum tig Ía mín og gæsirnar elta tig á röndum ...

Blessud sé minning pabba tíns ,hann er örugglega ad fylgjast med tér og veita tér tá hjálp sem í hans valdi stendur .Tú hefur örugglega átt góda helgi med skemmtilegu fólki um daginn,nú er komin enn ein helgin ,vona ad tú njótir hennar einnig.

Hjartanskvedjur frá okkur í Hyggestuen kæra Ía mín .