Eitthvað hljóta þessar endalausu vegaframkvæmdir að kosta.

Þetta er nú ekki nýtt af nálinni og nákvæmlega þessa hugmynd viðraði ég við samferðamenn mína  þegar við vorum að keyra til Keflavíkur í fyrradag. Svörin sem ég fékk voru eitthvað á þá leið að kostnaður væri of mikill og fjöldi ferðamanna ekki nægur til að lestarkerfi borgaði sig.

  Eins og þetta lítur út í dag er vegurinn stórhættulegur og þrisvar urðum við að fara út af aðalbrautinni vegna vegaskemmda, að ég held eða framkvæmdir liggja niðri tímabundið vegna þess að verktakinn fór á hausinn. Eitthvað í þá áttina voru svörin við heimskulegri spurningu minni. Eitthvað hljóta þessar endalausu vegagerðir að kosta.  Jarðýta stóð utan vegar ein og yfirgefin og við fengum þær upplýsingar að tækið væri svo gamalt og úr sér gengið að það borgaði sig ekki að selja það og allt of kostnaðarsamt að fjarlægja gripinn.  Ýtan er víst búin að vera þarna í langan tíma og verður örugglega á sama stað þegar ég kem heim næst.     

Vilja láta skoða möguleika á lestarsamgöngum

Athugasemdir

[Jens Ruminy, 21.2.2008 kl. 17:26]

Sæl Ingibjörg,

þá ertu enn ein sem fær bara stórt spurningarmerki í andlit hjá fólki ef maður viðrar byltingarkenndar samgöngur fyrir sér. Og það þýðir aldrei neit af því að Íslendingar eru svo fáir. Var það sama stemningin hjá bönkunum þegar þeir vóru  einkavæddir?

baráttukveðjur úr draumalestinni,

[Gunnar Helgi Eysteinsson, 21.2.2008 kl. 19:38]

Mér líst vel á þá hugmynd að það verði lest á Íslandi...

[Lilja Guðrún Þorvaldsdóttir, 22.2.2008 kl. 00:11]

       Loksins lest á Íslandi bloggaði ég í fyrradag.  Mér finnst hugmyndin frábær, og full þörf á að gera alvöru í að rannsaka hagkvæmni hraðlestar milli  Keflavíkur og í Vatnsmýrina.  Hugsið ykkur að það tæki 15. mínútur að komast þarna á milli.  Og þá losnum við líka við flugvöllinn,  því það tæki skemmri tíma með lest til Keflavíkur en tekur nú að fara úr miðbænum og út á Reykjavíkurflugvöll sem tekur minnst 20 mín.       Það voru nú líka  flestir á móti Hvalfjarðargöngunum á sínum tíma,  en hvað segir fólk nú???