Listasetrið Leifsbúð í Tékklandi

Fundur var haldinn hjá Leifsbúðarnefnd þegar við rákum inn nefið síðast.  Nefndin léttir okkur mikið alla vinnu í sambandi við val listamanna og úthlutun á setrinu. Veit eiginleg ekki hvernig við færum að án þessa góða hóps. 

Hér í sumar og fram í nóvember er von á frábærum listamönnum sem dvelja hér hjá okkur í nokkrar vikur í senn. Það er aðeins einn mánuður óbókaður fram í nóvember og er það mars-apríl.  Hef svo sem ekki miklar áhyggjur af því ,er viss um að einhver droppar inn þessar vikur. 

Það er mikill heiður að fá alla þessa góðu listamenn hingað og ómæld ánægja að geta veitt þessa þjónustu til handa löndum okkar.  Í sumar koma hingað ritöfundar, tónlistamenn og myndlistamenn svo það verður litskrúðugur hópur sem dundar sér hér í sveitinni okkar næstu mánuði.

Sigga, Leifur, Þorkell, Barbara, Kjartan, Sirrý, Þráinn g Sólveig þakka ykkur vinir mínir fyrir ykkar miklu aðstoð og vinnu. Fáum aldrei fullþakkað ykkar ómetanlegu hjálp.  Stórt knús á ykkur öll! 

Leyfi ykkur að fylgjast með þegar fram líða stundir.      

Athugasemdir

[Ásdís Sigurðardóttir, 28.2.2008 kl. 20:06]

Alltaf gaman í Prag, er það ekki? 

[Ía Jóhannsdóttir, 28.2.2008 kl. 21:07]

Það er sko engin lognmolla hér skal ég segja þér

[Lilja Guðrún Þorvaldsdóttir, 28.2.2008 kl. 21:12]

Þetta er náttúruega alveg stórkostlegt framtak.  Verður maður að vera "Listamaður" til að fá inni í Leifsbúð?

[Ía Jóhannsdóttir, 28.2.2008 kl. 21:57]

Bíddu er þetta listamaðurinn sjálfur sem spyr?  Ætlast er til að fólk vinni að einhverju ákveðnu verkefni og fræðimenn eru jú líka listamenn ekki satt. 

 Við lánum húsið án endurgjalds og hvert tímabil eru sex vikur eða eftir samkomulagi.  Kjartan Ragnarsson og Sirrý sjá um okkar hóp Lilja mín þ.e.a.s. leikhúsfólkið. Síðan eru umsóknir skoðaðar og nefndin mín velur listamennina.  Þú ert hjartanlega velkomin.