Ekki öll vitleysan eins

..Og hér sit ég og bíð eftir því að klukkan nálgist ellefu því þá verð ég að keyra minn hund til Dýra.  Grey kallinn er að fara í svona snip,snap fix. Veit ekki hvor er skelkaðri Erró eða minn elskulegi.  

 Hundurinn búinn að vera matarlaus í 24 tíma og skilur ekkert í því hvað við erum vondir fósturforeldrar.  Grætur við nammiskápinn og mænir á mig sorgmæddum augum. Nú er búið að taka vatnskálin líka frá honum. 

 Aumingja kallinn, þá á ég við hundinn ekki minn elskulega, en sá kall gat ekki einu sinni fengið sig til þess að fá sér morgunte áður en hann lét sig hverfa til vinnu. Var bara alveg ómögulegur. Það var eins og að hann væri að fara í þessa aðgerð en ekki hundurinn. Hálf hvíslaði þegar hann gekk út ,, þú lætur mig svo vita þegar þetta er afstaðið"  Man nú ekki eftir svona tilfinningasemi þegar ég fór í mína ,,aðgerð" fyrir mörgum árum en það er auðvitað allt annað mál. 

 

Kynlíf leyft, ekki hundar

Athugasemdir

[Sigrún Erla (IP-tala skráð) 12.3.2008 kl. 09:29]

Æi, það er þá komið að því. Ég vona að hann taki ekki neinum breytingum þ.e.a.s. Erró, stórkostlegur hundur ef hund skildi kalla. Stórkostlegur náungi ætti betur við. Vona að þetta gangi vel og treysti því að þú dekrir við hann í margar vikur eftir þetta

[Ía Jóhannsdóttir, 12.3.2008 kl. 13:13]

  Sigrún mín takk fyrir innlitið.  Komin heim.  Minn voða aumur og lítill.  Nú ætla ég að dekra hann upp úr loppunum næstu daga. Kv. til ykkar allra. 

[Guðrún Emilía Guðnadóttir, 12.3.2008 kl. 15:33]

Æ það þarf að dekra við þá eftir svona snip, snap, fix er þetta fínna orð yfir að taka hann hreinlega úr sambandi. Ég get sagt þér að þeir eru ekki þeir sömu í langan tíma á eftir og okkar fósturhundur tók upp á því að gelta eins og hann væri einhver varðhundur, en svo lagast þetta.
Gangi þér vel að dekra við hann.
                                                       Kveðja Milla.

[Ía Jóhannsdóttir, 12.3.2008 kl. 15:59]

Hehehhe fínna orð, neip bara smá tillitsemi við viðkvæma lesendur, maður veit jú aldrei, annað eins hefur nú farið fyrir brjóstið á sumum.  Erró minn er nú ekkert hamingjusamur með þennan skerm en venst því víst fljótlega.

 Gaman að heyra í þér Milla mín. Leiðinlegt að Móðir sé hætt að blogga, kem til með að sakna hennar hér.

[Halldór (IP-tala skráð) 12.3.2008 kl. 19:39]

Hvað hefur þetta með fréttina að gera???

[Gunnar Helgi Eysteinsson, 12.3.2008 kl. 21:07]

Ég vona að þú sért að grínast

[Lilja Guðrún Þorvaldsdóttir, 13.3.2008 kl. 00:31]

Æ, greyið, er það skylda, að "snip,snap,fixa, alla hunda, eða er hann það sem sumir kölluðu hér áður fyrr "Bastarður".  Æ, vonandi gengur allt vel með hann. Gefa honum nóg að drekka og sjóða handa honum hafraseyði svona til að brjóta föstuna.Gangi ykkur vel.

[Ía Jóhannsdóttir, 13.3.2008 kl. 07:24]

Halldór: Nákvæmlega ekki neitt.  Ætlaði að skrifa eitthvað merkilegt en þetta bara kom á ,,pappírinn" og ég gleymdi fréttinni.   En held að það skipti ekki svo miklu máli.