Vinurinn sem flaug alltaf með Fokker

Hér áður fyrr þegar við flugum á milli Köben og Prag var eingöngu notast við Fokkar vélar.  Stundum gat þetta verið ansi östugt ferðalag þá sérstaklega þegar miklir sviptivindar voru í lofti.  Það var ekki ósjaldan að maður þakkaði sínum verndara fyrir að vélin lenti á sínum þremur á flugbrautinni.

Einn góðvinur okkar, Breti, sem bjó hér í Prag þá ferðaðist mikið á milli landa og þá yfirleitt í Fokker.  Sá kallaði nú ekki allt ömmu sína og gat verið ansi orðljótur og klæminn í ofanálag.  Eitt sinn vorum við að tala um þessar ferðir hans og þá segir hann: Já ég bara get ekki vanist því að fljúga með þessum vélum, bara nafnið kemur mér í annarlegt ástand.  Hugsið ykkur hélt hann áfram að verða alltaf að ferðast með fucking Fokker.  

Flugfélag Íslands leigir Fokker 50 vél til Air Baltic

Athugasemdir

[Jenný Anna Baldursdóttir, 9.5.2008 kl. 21:49]

Fokker friendship you know, kallaði minn heittelskaði "ríðandi vinarskipið" hérna í denn.  Hmmmm

[Sigrún Jónsdóttir, 9.5.2008 kl. 22:52]

.  Hvaðan ætli nafnið sé fengið?  Þetta hljómar jú frekar "dónalega" á alþjóðlegu máli

[Lilja Guðrún Þorvaldsdóttir, 10.5.2008 kl. 01:54]

Hafðu það gott í sólinni um helgina Ía mín!   Ég sá að það var "lík" og 25° hiti hjá ykkur, lík-lega mun kólna.