Litbrigði lífsins

10.5.2008 | 07:56

Sveinn Baldursson hleypur Prag maraþonið á morgun.

Á morgun sunnudag fer fram hér Prag maraþonið 2008 en ekki láta ykkur detta í hug að ég ætli að fara að hlaupa. Hef lítinn áhuga á svona sprangi út um alla trissur. En ástæðan fyrir að ég hef fylgst með þessu er sú að Sveinn ábúandi hér í Leifsbúð þessa dagana ætlar að vera einn af þessum tugi þúsunda hlaupara.

Í fyrradag fór hann og skráði sig inn í hlaupið og sagði okkur að hann hefði aldrei séð jafn glæsilegan undirbúning. Svæðið sem innskráning fer fram er hér í Prag 7, Vista Vista eins og við köllum það. Þetta er útivistasvæði nánast hér í miðborginni, skemmtigarður, íþróttasvæði m.m.

Þarna var tekið á móti þátttakendum með margskonar uppákomum, lifandi tónlist og sölutjöld voru áberandi út um allt sem seldu hlaupaskó, boli og fl. sem ég kann ekki skil á enda ég ekki í þessari deild.

Við innritun var honum afhent bæklingur þar sem leiðin er vandlega kynnt og allar vatnsstöðvar á hlaupaleiðinni. Hann sagði að hann hefði aldrei séð svona vel staðið að undirbúning hlaups áður.

Gangi þér vel á morgun Sveinn!

	Dæmigerð helgi er 40 km á laugardegi og 30 á sunnudegi
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkar: Íþróttir, Spil og leikir, Vefurinn | Facebook

Athugasemdir

Flottir á því í Prag, þeirri dásamlegu borg. Velgengnisóskir til þáttakandans í hlaupinu

Anna, 10.5.2008 kl. 08:16

Þú ert uþb að verða klár með að selja mér Prag. Mér er farið að finnast ég vera að missa af einhverju stórkostlegu. Hm.. Prag sett á óskalistann. Tjékk!

Kveðja yfir hafið.

Jenný Anna Baldursdóttir, 10.5.2008 kl. 09:56