Litbrigði lífsins

3.6.2008 | 07:59

Bio matseðill Vesturlandabúa

Við sátum saman á veitingastað nokkrar góðar vinkonur hér einn sólríkan dag við bakka Viltava (Moldá) með útsýni yfir Karlsbrúnna. Áin fyrir neðan okkur glitraði í hádegissólinni og skemmtiferðabátarnir lulluðu fram hjá. Frá einstaka bát ómuðu Jazz tónar frá hljómsveit upp á dekki en frá öðrum undurfagrir tónar Smetana.

Einstaka túristi veifaði glaðlega til okkar þegar siglt var fram hjá okkur þar sem við nutum þessa sérstaka útsýnis og sötruðum hvítvínið.

Þjónninn kom með matseðilinn sem var tvískiptur. Annarsvegar þessi hefðbundni og hinsvegar Bio matseðill sem nýfarinn er að sjást hér á nokkrum veitingastöðum borgarinnar.

Umræðan snerist fljótlega um þennan Organic seðil. Við sem búið höfum hér í nokkuð mörg ár höfðum litla trú á að það sem boðið var upp á væri 100% organic og ein hafði á orði að e.t.v. væru þarna ýmis skordýr því nóg væri af þeim hér í landinu. Og vitnaði í þessa frétt sem birtist nú í Mbl. Þetta þætti hollur og góður matur, fólk yrði bara að kunna að matreiða þetta á réttan hátt.

Held að um okkur allar hafi farið svona nettur, klígjugjarn hrollur við þessar umræður en þrátt fyrir það ákvað ég að prófa kjúkling af Bio seðlinum.

Ekki fann ég nú neinn mun á þessu lostæti nema verðið svo ég spurði þjóninn hvaðan þessi fugl kæmi og hann var ansi fljótur til svars og sagði frá Frakklandi. OK, e.t.v var hann að segja satt en ég var ekki alveg sannfærð.

Satt best að segja held ég að við hér setjum ofan í okkur þokkalega mikið af skordýrum á sumrin. Hvað haldið þið að ég hafi drukkið margar moskito flugur með kókinu mínu, eða eina og eina vespu með pastanu. Humm..... vil helst ekki hugsa um þetta.

Ætla að borða framvegis innandyra með net yfir sjálfri mér og því sem ég læt ofan í mig.

	Ráðlagt að borða skordýr
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkar: Matur og drykkur, Vefurinn, Vinir og fjölskylda | Breytt s.d. kl. 08:07 | Facebook

Athugasemdir

Er ekki best að vera ekkert að pæla í innihaldi framandi matvæla? Ég man eftir manni sem pantaði sér alltaf nautasteik þegar hann "fór með mig" á Kínverska matsölustaði, en það var nú fyrir 30 árum síðan.

Eigðu góðan dag Ía mín

Sigrún Jónsdóttir, 3.6.2008 kl. 08:32

Sigrún mín jú ætli það sé ekki best bara loka augunum.

Hallgerður mín ja þú segir nokkuð

Ía Jóhannsdóttir, 3.6.2008 kl. 09:13

Ég sá danskan þátt fyrir nokkrum árum síðan þar sem maðurinn talaði um hversu mikið lostæti skordýr eru og hversu hrein þau eru miðað við dýrin sem við troðum í okkur. Og þá var hann að meina þau skordýr sem eru "ræktuð" á hreinum stað.

Ef ég á að vera alveg heiðarlegur þá myndi ég frekar vilja læra að borða skordýr en kind...

Gunnar Helgi Eysteinsson, 3.6.2008 kl. 09:49

Ég ríf salatið niður í öreindir sínar og skoða það síðan með stækkunargleri, segi svona, en ég vil engin skordýr á minn disk.

Organic hvað?

Jenný Anna Baldursdóttir, 3.6.2008 kl. 09:57

STELPUR! við vitum það undir niðri að við borðum fullt af pöddum, bjöllum og bara allskonar skorkvikindum í matnum okkar, ef þið takið bara kornmat, til dæmis brauð og annað sem er kornmeti, haldið þið að þetta sé pöddulaust??? NEI þið bara sjáið þær ekki því það er búið að baka það.já ég er löngu hætt að hugsa um þetta.