Það sem henti hér í dag.....

.....er eitthvað sem hendir okkur öll í daglegu amstri hversdagsins.  Ég byrjaði á því að reyna að henda reiður á þvi sem ég ætlaði að gera í dag. Byrjaði á því að hendast upp og niður stigana, henda í þvottavél og þurrkara til skiptis.  Hentist síðan niður til að henda í uppþvottavél, hentist í símann og hentist síðan í sturtu vegna þess að nú var komin tími til að gera sig klára til að hendast í hreinsunina og smá útréttingar fyrir morgundaginn.

Þegar ég var búin að sækja fötin í hreinsunina hentist ég að bílnum og henti fötunum í skottið og skellti aftur.  Nú skildi hendast í Apotekið og Marks & Spencher vegna þess að ég er eins og litlu börnin sem hafa með sér saltstangir í bílinn þá verð ég að hafa með mér hafrakex á ferðalögum til að lifa af morgunmatinn. 

Þarna var ég næstum búin að henda mér í vegg eins og Jenný, déskotinn sjálfur, afgreiðslan var fyrir neðan allar hellur og ég hellti mér yfir aumingja afgreiðslukonuna og húðskammaði hana fyrir sauðahátt og hótaði að hér skildi þetta fara fyrir nefnd í hinu hámenntaða Breska drottningaveldi. 

Ég hentist síðan niður rúllustigann og út í bíl, henti pokaskjöttunum í aftursætið og keyrði í hendingskasti 50 km til Prag þar sem ég var orðin ansi sein á ferð og klukkan að verða sjö og ég var búin að lofa að henda kveðju á vini mína Stefán Baldursson og Þórunni þar sem þau voru að koma hingað til að heimsækja okkur og við auðvitað við að hendast burtu á morgun svo það var bara þessi litla kvöldstund sem við gátum setið saman og knúsað hvort annað.

Loksins þegar ég var komin niður á Reykjavík þá hætti þetta æðibunukast sem ég hafði angrað mig í allan dag og loks gat ég slakað á.  Það var yndislegt að hitta Tótu og Stebba í kvöld.   Gunnar Kvaran og Guðný komu síðar um kvöldið og við áttum skemmtilega samverustund fram yfir miðnætti.

Það er alsæl kona sem ætlar núna að henda sér á koddann og á morgun verður hent í töskur og brunað í alsælu á vit fornra rústa Ítalíu.

Góðar stundir góðu vinir hvar sem þið eruð í heiminum.

 

 

 

 

Athugasemdir

[Sesselja Fjóla Þorsteinsdóttir, 23.7.2008 kl. 00:30]

Litríkur dagur hjá þér.

[Ásdís Sigurðardóttir, 23.7.2008 kl. 08:44]

Það var hending að ég er hérna inni núna, get bara ekki legið í fj. rúminu lengur, ég hendi mér uppí síðar í dag.  Góða ferð í fríið og gangi ykkur allt í haginn.

[Þröstur Unnar, 23.7.2008 kl. 09:34]

Ég er nú bara í hendingskasti.

[Guðrún Emilía Guðnadóttir, 23.7.2008 kl. 09:39]

Sko gakktu ekki fram af þér áður en þú ferð í fríið, ef frí skildi kalla við kunnum sko ekki að slappa af í fríi.
Góða skemmtun og ferð, gott að húsbandið náði ekki að leigja svona bíl,
hef aldrei skilið þessa húsbílaþörf, en það er nú bara mín skoðun.
Þú gleymir ekki að skila kveðju til palla er þú hittir hann, þó þú sért nú ekki að fara til Vin núna.
Knús kveðja
Milla.

[Sigrún Jónsdóttir, 23.7.2008 kl. 20:47]

Ég varð nú bara móð við að lesa þettaGóða skemmtun í fríinu

[Jóhanna Magnúsar- og Völudóttir , 24.7.2008 kl. 09:36]

Segi það sama og Sigrún!  .. Góða ferð og góða skemmtun og alles...

[Hulla Dan, 24.7.2008 kl. 17:11]

Góða ferð og skemmtið ykkur frábærlega.
Hlakka mikið til að lesa frísöguna

[Kristín Gunnarsdóttir, 25.7.2008 kl. 08:42]

Það hefur bara verið brjálað að gera hjá þér.

Knus

[Gudrún Hauksdótttir, 28.7.2008 kl. 05:28]

Púuuffffff....Góda ferd í ferdalagid kæra Ía og njóttu Ítalíu elska ad koma tar.Keyrdi í hittedfyrra frá Písa nidur til Rómar og naut allt tar á milli fallegra hafnarbæja med gódum hótelum og yndislegheitum.

Stórt knús á tig og tína

[Gunnar Helgi Eysteinsson, 1.8.2008 kl. 13:52]

Innlitskvitt....