Litbrigði lífsins

6.11.2008 | 23:08

Skemmtilegur hittingur í Berlin annað kvöld.

Þá skal haldið heim á leið. Ég komst að því í dag þegar ég var að pakka niður að ég þarf tilfinnanlega að endurnýja fataskápinn og ekki verra að vera fara heim því þá get ég ef til vill slegið tvær flugur í einu höggi, dressað mig upp og um leið lappað aðeins upp á gjaldeyrisskortinn í heimalandinu.

Ég er alla vega harðákveðin í því að reyna að gera mitt besta.

En talandi um að pakka niður í ferðatösku, mikið óskaplega finnst mér það leiðinlegt verk. Veit aldrei hvað ég vil hafa með mér, hvað er nauðsyn eða hvað er óþarfi. Yfirleitt pakka ég óþarfa hlutum og borga svo yfirvigt fyrir allt draslið.

Þetta er bara til þess að búa til leiðindi á milli hjóna skal ég segja ykkur.

Var voða skynsöm núna, enda á ég ekkert til skiptana eins og ég var búin að segja.

Þar sem við vorum búin að ákveða að keyra til Berlinar um helgina þá slógum við bara til og keyptum okkur flugmiða frá Köben. Þannig að við keyrum þangað og skiljum bílinn eftir og fljúgum þöndum vængjum heim með Icelandair ja svo framalega sem það eðalfélag verður lifandi á mánudaginn.

Annað kvöld verður skemmtilegur hittingur í Berlin en þá ætlum við að knúsa vini okkar Þráinn Bertelsson og frú Sólveigu alveg í klessu, en þau eru stödd þarna í borginni núna. Mikið rosalega hlakka ég til að hitta þau heiðurshjón og kryfja þjóðmálin til mergjar yfir góðum kvöldverði.

Þetta verður nú ekki skemmtiferð til heimalandsins í þetta sinn eins og þið vitið sem hafið lesið síðustu færslu mína en lífið heldur áfram ekki satt?

Kíki inn þegar ég má vera að næstu daga og glamra ef til vill líka á lyklaborðið.

Eigið góða helgi kæru vinir.

BURT MEÐ SPILLINGARLIÐIÐ !!!!!!!

Meginflokkur: Bloggar | Aukaflokkar: Ferðalög, Vefurinn, Vinir og fjölskylda | Breytt s.d. kl. 23:12 | Facebook

Athugasemdir

Bið að heilsa Þránni, ef hann man eftir mér.....ætlaði að gera hann að formanni á sínum tíma....en það gekk ekki eftir, því er nú ver

Sigrún Jónsdóttir, 6.11.2008 kl. 23:16

Nei, þingmanni, en hitt hefði verið flott.....Formaðurinn kom í veg fyrir það

Sigrún Jónsdóttir, 6.11.2008 kl. 23:17

Skila því Sigrún mín. Heheheh þingmaður, sá held ég mundi hrista upp þar núna. Skal lofa þér að þetta á eftir að verða þrusu skemmtilegt kvöld enda nóg um að ræða. BB - DO og alla hina jólasveinana.

Ía Jóhannsdóttir, 6.11.2008 kl. 23:26

Góða ferð og villtu vera svo væn að segja Úje við hann Þráinn frá mér.

Hahaha.

Jenný Anna Baldursdóttir, 6.11.2008 kl. 23:57

Góda skemmtun í fallegri borg Berlín med vinum tínum sem ég tekkji einungis frá fjölmidlum og bókum hans.

Verst ad búa ekki nær flugvellinum í Køben til ad fá ykkur í kaffi og spjall.

Tad verdur einhverntímann.

kvedja frá Jyderup

Gudrún Hauksdótttir, 7.11.2008 kl. 07:45

Jónína Dúadóttir, 7.11.2008 kl. 08:02

Gaman hjá ykkur að hitta gott fólk í Berlín. Berlín er svo frábær borg og að hafa góða vini með sér þar er toppurinn
Svo leiðin liggur um túnfótinn hér við Als. Sniðugt. Varandi það að hjálpa til við að auka gjaldeyrisforðann þá styð ég slík verkefni. Var persónulega í þannig leiðangri ekki fyrir svo löngu og lagði mitt af mörkum. Til að bæta um betur sendi ég svo minn betri helming í svipaðan leiðangur en kannski stórtækari á mánudaginn. Icelandair varð fyrir valinu enda hitt ekki á vinsældalista okkar eftir lélega þjónustu í sumar þar sem ekki ótti einu sinni ástæða til að segja okkur þykir þetta leitt eða afsakið óþægindin