Þrjú spælegg á disk og deginum reddað

Á náttborðinu mínu ofarlega í staflanum liggur opin bók á hvolfi.  Á bókarkápunni er mynd af renglulegum unglingi í flauelisjakka með kolsvört sólgleraugu  og hendur í vösum heimspekingslegur á svip.  Þetta er minnisbók Sigurðar Pálssonar sem ég hef verið að glugga í svona af og til undanfarna daga. 

Ég var aldrei sérlega hrifin af skáldinu Sigurði hér áður fyrr, ljóðin hans höfðuðu ekki beint til mín eða ef til vill kafaði ég ekki nógu djúpt til þess að skilja og satt best að segja langaði mig ekkert sérstaklega til að lesa þessa bók en verð að viðurkenna að ég hef haft mjög gaman af opna bókina öðru hverju. 

 Minningabrot frá þessum árum ´67 - ´72 sem maður var eiginlega búin að setja ofaní skúffu gleymskunnar.  Byltingaárin, Bítlaárin, unglingsárin.  Þessi brjálaði skemmtilegi tími allt þetta rifjast upp við lestur bókarinnar. Ef einhver hefur gleymt Janis Joplin, Jimi Hendrix eða Otis Redding endilega flettið bókinni og þetta rifjast allt upp aftur og meira til.      

Athugasemdir

[Gunnar Helgi Eysteinsson, 15.1.2008 kl. 13:18]

Fyrir minn tíma... en Janis Joplin, Jim Hendrix eru hluti af mínu minni.

[Ía Jóhannsdóttir, 15.1.2008 kl. 20:33]

Ég vissi það,  hehehe þetta með hjólin kom mér líka á sporið 

[Ásdís Sigurðardóttir, 15.1.2008 kl. 23:44]

Hef ekki gleymt þeim.  Knús

[Jóna Á. Gísladóttir, 16.1.2008 kl. 10:39]

fyrir mín brjáluðu ár

[Guðrún Emilía Guðnadóttir, 16.1.2008 kl. 11:03]

Maður gleymir ekki svo glatt þessum tíma,
hann var æðislegur. kveðja Milla.

[Katrín Snæhólm Baldursdóttir, 16.1.2008 kl. 12:50]

Já takk ég þigg með Þökkum bloggvináttu..er búin að leaa niður alla pistlana þína og hef gaman af. Svo segi ég þér svona mitt hjartans leyndó..ég hef þráð að koma til Prag síðan löngu fyrir tíma bítlanna..eða næstum síðan ég fæddist. Hversvegna veit ég ekki..en Prag er mín draumaborg heim að sækja.

Annars upplifði ég bítlatímann í gegnum systkyni hans pabba....sem voru þá unglingar og ég pínuskonsa. Mikið fannst mér Obbladí lagið skemmtilegt!!!!

[Ía Jóhannsdóttir, 16.1.2008 kl. 14:12]

Takk fyrir allar kveðjurnar hér að ofan. Heyri að það eru ekki allir hér af 68 kynslóðinni og er það ekkert verra, heldur manni bara við það að lifa lífinu lifandi. 

 Velkomin í litlu ræmuna mína Katrín. Sá komment á síðunni minni fyrir langa löngu og hef alltaf langað til að fá þig í hópinn. Vertu velkomin hingað hvenær sem er. Prag er borg lista og menningar.  Svo hefur þú örugglega heyrt um Listasetrið okkar hér í sveitinni.