Samfélagið brást 158 einstaklingum

Eftir kvöldmatinn settum við Syndir feðrana í DVD spilarann en þá heimildamynd höfðum við keypt í fríhöfninni á leiðinni heim.  Það var átakanlegt að hlusta á sorgarsögu þessara manna vitandi það að um leið bjó maður sjálfur í hlýjum heimkynnum foreldra og hafði ekki hugmynd um hvað var að gerast innan veggja þessa ,,heimilis" að Breiðuvík.  Ég man að ef einhver hafði orð á því að þessi eða hinn hefði verið í Breiðuvík var sneitt fram hjá viðkomandi, þetta voru ,,vandræðabörn" og maður skildi forðast alla umgengni við svoleiðis líð.

Guð minn góður hvað þessir drengir máttu þola og enginn hreyfði legg né lið.  Í dag eru 25% af þessum drengjum látnir.  Sjálfsagt hafa nokkrir komist áfram í lífinu af eigin ramleik en síðan eru þeir sem hafa alla tíð barist við óttann við lífið.  Sumir fallið mörgum sinnum í djúpa gryfju og aldrei komist upp en aðrir krafsað í bakkann og hafið betra líf, sem betur fer.

Ég ber mikla virðingu fyrir þessum mönnum sem fram komu í myndinni og Kastljósi á sínum tíma og þeir eiga alla mína samúð.  Það þarf mikla áræðni til þess að koma fram fyrir alþjóð og opna sárar minningar eftir svo mörg ár.

Stakk mig dálítið þegar ég las um skýrslu nefndar sem fjallaði um starfsemi Breiðavíkurheimilisins.

Samfélagið hefur brugðist!

Draga má lærdóm af þessu máli!

Málið enn í rannsókn!

Málið gæti hugsanlega verið fyrnt!

NEFNDIN STARFAR ÁFRAM AÐ ÞESSUM MÁLUM!!!

Þetta segir okkur aðeins eitt, málið er dautt. 

Grátlegt að heyra annað eins frá prófessor í félagsráðgjöf og hennar nefndarmeðlimum!

 

Draga má lærdóm af Breiðavík

Athugasemdir

[Gunnar Helgi Eysteinsson, 22.2.2008 kl. 20:30]

[Marta B Helgadóttir, 22.2.2008 kl. 22:07]

Tek undir þetta.

[Ásdís Sigurðardóttir, 22.2.2008 kl. 22:09]

Það eru því miður miklu, miklu fleiri sem þjást eftir svona sendingar út í sveitir landsins.  Skelfilegt, verðum við ekki að huga að framtíðinni og passa uppá að þetta endurtaki sig ekki. ?

[Lilja Guðrún Þorvaldsdóttir, 22.2.2008 kl. 22:56]

Tek heilshugar undir allt sem þú skrifar Ía.   En sem betur fer,   verður hér ekki látið hér, staðar numið,   nefndin mun halda áfram störfum  og kanna önnur álíka heimili sem starfrækt hafa verið  í gegnum árin.  Það er mikill sigur.  Og  Ríkisstjórn Íslands  mun beita sér fyrir sértækum aðgerðum ,  ef þarf til að bæta fyrir þau brot sem brotin hafa verið á þessum einstaklingum,  og nú verður farið í þá vinnu strax.   En  þeir  eiga heiður skilinn  Bergsveinn Björgólfsson  og Ari Alexander  Magnússon,  og ekki má gleyma henni Hrönn  fyrir að gera þessa mynd og  mennirnir  fyrir það hugrekki og það æðruleysi sem þeir sýna í  myndinni. 

[Guðrún Emilía Guðnadóttir, 23.2.2008 kl. 14:10]

Ég ætla hreint að vona að þeir ljúki þessu máli á sómasamlegan hátt,
annað er bara ekki sæmandi fyrir þá.

[Jens Guð, 24.2.2008 kl. 02:15]

  Núna þegar liggur fyrir að brotið hefur verið gróflega á vistmönnum í Breiðavík,  þeir hafi mátt sæta grófu ofbeldi af hálfu annarra vistmanna,  starfsfólks og að minnsta kosti eins forstöðumanns sem virðist hafa verið óþverralegur sadisti,  þá verður að halda áfram með málið. 

  Fyrstu viðbrögð núverandi ráðamanna við skýrslunni lofa góðu.  Önnur spurning snýr að þeim vistmönnum sem nauðguðu og pyntuðu á annan hátt yngri vistmenn og starfsmenn sem eru sekir um það sama.  Svona svakalegu máli verður að fylgja eftir af fullum þunga.