Fyrsta, önnur og þriðja position

Lögreglan í Timisoara dansar nú á hverju götuhorni eftir glymjandi Tschaikowsky úr Ipodinum.  Pligée og allar positionir teknar eftir kúnstarinnar reglum enda allir búnir að fara á ballettnámskeið. 

 Einn vörður laganna tekur sig til og skellir sér í táskóna og dansar Svanavatnið af mikilli innlifun svo umferðahnútar myndast við hringtorg borgarinnar.  Kollegi hans sér að þetta er að fara út í algjöra vitleysu og þeysist út á eyjuna við torgið  til að bjarga málunum.  Sér hann ekkert annað í stöðunni en að taka nokkur þeysistökk úr Hnotubrjótnum.

 Ökumenn eru nú farnir að ókyrrast, sumir komnir út úr bílunum en aðrir þeyta hornin.  Enginn kemst lönd né leið fyrir dansandi lögregluliði og hvað er þá hægt að gera í stöðunni annað en njóta sýningarinnar og klappa síðan léttfetum lof í lófa að sýningu lokinni. Allir hvort sem er orðnir of seinir á sitt stefnumót og þetta eru jú verðir laganna sem þarna eru að troða upp og ekki skammast maður út í þá eða hvað?           

Lögreglumenn læra ballett

Athugasemdir

[Ásdís Sigurðardóttir, 27.2.2008 kl. 19:13]

Þeir dansa nú bara Hrunadansinn hér á landi. Það var verið að reka einn úr starfi í Skagafirði fyrir vond mál.  Þá er nú betra að hafa þá dansandi.  Knús 

[Ía Jóhannsdóttir, 27.2.2008 kl. 19:16]

Heheheh Ásdís Hrunamannadansinn  

[Marta B Helgadóttir, 27.2.2008 kl. 21:33]

Ha hahaha góð saga

[Lilja Guðrún Þorvaldsdóttir, 27.2.2008 kl. 23:25]

Ég veit nú ekki hvort þeir verða snöggir að læra glæsilegan limaburð,  en þeir verða fljótt meðvitaðri um líkama sinn,  og eitt veit ég að betri "aga"  þá á ég við "sjálfsaga" er vandfundnari að finna en við þá þjálfun sem ballettdansari þarf að ganga í gegnum.  Bæði líkamlega og andlega.

[Ía Jóhannsdóttir, 28.2.2008 kl. 07:36]

Lilja já alveg rétt enda lærði ég nokkur spor og sjálfsaga í gamla daga hjá  Bisted