Nú bunar gullvökvinn í tonnatali úr slöngunni hingað inn

Ekki skrítið að olíumálið hafi skotist hér upp á eldhúsborðið, allt að verða vitlaust á Íslandi, bílar blásandi um allar götur svo stoppa varð umræður á Alþingi hvað þá meir. 

 Eftir mikla útreikninga og málaþras á milli hjóna hér í gærkvöldi komumst við að þeirri niðurstöðu að við erum að borga nákvæmlega sömu upphæð fyrir olíulítrann hér í Tékklandi og þið þarna heima.  Verðum samt að taka með í reikninginn gengisbreytingar síðustu daga. 

Hér er samt allt með kyrrum kjörum, engin mótmæli á almannafæri, umferðin gengur sinn vana gang og við bara fyllum bílana með þessum gullvökva og borgum steinþegjandi og hljóðalaust. 

Nákvæmlega í þessum orðum rituðum er verið að dæla í tonnatali gullvökva hér inn í húsið þar sem við kyndum húsin hér með olíu og hitalagnir í öllum gólfum.  Ekkert smá sjokk þegar ég fæ reikninginn í hendurnar. 

 En hvað skal gera, ég þoli ekki köld hýbýli og vera með hor í nös alla daga.

Spurning er hvort ekki sé vænlegra að setja hér sólarorku?   

 

 

 

 

Olíuverð hækkar á ný

Athugasemdir

[Jenný Anna Baldursdóttir, 3.4.2008 kl. 11:43]

Sólarorka er auðvitað frábær valkostur, þ.e. þar sem sólin skín.  Lalalala

Góðan daginn krútthildur djóns.

[Eva Benjamínsdóttir, 3.4.2008 kl. 13:02]

O, hvað ég skil að þú viljir hafa hlýtt í gólfunum. Þar sem ég þekki til í Ameríku, hefur sólarorkan marg borgað sig. En það er víst ekkert ódýrt að breyta þessu en umhverfisvænt og náttúran kemst enn nær manni.

Ég tók óvart hálfa svefnpillu gleraunalaus í morgun og sit hér geispandi en á að vera á fullu að undirbúa mig fyrir kvöldið, en þá er dömunni boðið soldið smart út að borða.

Verð að leggja mig, ekkert annað aðkallandi. knús eva

[Lilja Guðrún Þorvaldsdóttir, 3.4.2008 kl. 20:38]

Já, sólarorkan ekki spurning! Mun ekki kostnaðurinn við að taka upp sólarorkuna, borga sig upp á fáum árum?

[Ásdís Sigurðardóttir, 3.4.2008 kl. 22:36]

Sólarorkan er frábær, þú ættir að prófa hana með en hiti í gólfum er eitthvað það besta sem til er í húsum.  Knús til þín elsku Ía     

[Ía Jóhannsdóttir, 4.4.2008 kl. 09:03]

Takk fyrir innlitin þið eðalkvinnur.

[Guðrún Emilía Guðnadóttir, 4.4.2008 kl. 12:08]

Sólarorkan er bara frábær, drífa í því.
Hvernig er kaupgetan miðað við Ísland?.
                        Knús kveðjur Milla.
                     

[Jón Halldór Guðmundsson, 4.4.2008 kl. 14:26]

Þetta er bara vandamál með krónuna. Bílstjórararnir fatta bara ekki vandamálið. He,he.

[Ía Jóhannsdóttir, 4.4.2008 kl. 17:55]

Jón takk fyrir innlitið, jú mikið rétt þetta er krónudruslan ykkar sem gerir baggamuninn.