Það er bara þetta sem vefst fyrir mér

Ekki ætla ég að setjast í dómarasæti vegna kostnaðar forsætisráðherra og hans fylgdarliði með einkaþotum til annarra landa og hér eru komin svör til almennings frá ráðuneytinu og þetta virðast nú ekki vera svo ýkja háar upphæðir sem um munar. 

Öll vitum við að tími kostar peninga og þessir heiðursmenn eru jú að vinna fyrir okkur alla daga svo í þessum tilvikum er ríkið að spara bara heil ósköp fyrir þjóðina, ja eða þannig, verðum við ekki að trúa því?!  Við vitum jú að ráðamenn dvelja einungis á fimm stjörnu hótelum og nóttin þar er ekki gefin.  Bílakostnaður ef ekki er um opinbera heimsókn að ræða og prívat móttökur kosta jú sitt.  Sem sagt safnast þegar saman kemur.  

Að fljúga svona beint án millilendinga er kostur, ráðamenn geta hvílst á leiðinni og komið eiturhressir á fundi.  Reyndar veit ég að þeir vinna viðstöðulaust á meðan þeir eru í loftinu.  Það þarf að fara yfir ræður og önnur nauðsynleg gögn svo þeir sitja þarna kófsveittir á kaf í vinnu.  Já eða þannig!!!

Ég hef heyrt að þetta sé þrælavinna, aldrei stund á milli stríða svo eigum við bara ekki að leyfa þeim að ferðast eins og þeim finnst þægilegast, málið er að við, almenningur höfum akkúrat ekkert með þetta að segja, þeim er svo nákvæmlega sama hvað við röflum og ósköpumst, það bítur ekki á þau.

En þetta er það sem vefst fyrir mér:

OPINBERIR FUNDIR ERU ÁKVEÐNIR MEÐ LÖNGUM FYRIRVARA!    ÞAÐ ER VEL HÆGT AÐ PANTA FLUG Í TÍMA!      NATO FUNDIR ERU EKKI HALDNIR BARA SÍ SVONA UPP ÚT ÞURRU, ÞETTA ER AÐ MINNSTA KOSTI GERT MEÐ ÁRS FYRIRVARA.

Svo af hverju var ekki búið að panta flug fyrir þetta heiðursfólk löngu fyrr og fá þ.a.l. betra verð?

Annað:  HVAÐ ER Í GANGI?   AF HVERJU ÞIGGUR RÁÐUNEYTIÐ EKKI ÞESSA GREIÐSLU FRÁ FRÉTTASTOFU MBL.   HALDA ÞEIR AÐ VIÐ SÉUM AMERÍKA MEÐ MEIRU?  ,,FIRST LADY" OG ALLES?  ÞJÓÐIN Á EKKI AÐ BORGA FYRIR FRÉTTAMENN!!!!!

Jæja þetta var nú það sem ég var að velta fyrir mér hér í ljósaskiptunum. 

Fakta:  Nú er komin hefð á að ríkisstjórnin ferðist með einkaþotum og því verður ekki breitt héðan af, alveg klárt mál.  

  

 

Þotuleigan var 4,2 milljónir

Athugasemdir

[Benedikt Sveinsson (IP-tala skráð) 8.4.2008 kl. 17:44]

en, bíddu.. var ekki upphaflegt plan að fara með almennu flugi, en breyttist vegna fundar v. bankakreppunar dagin áður ?

[Ía Jóhannsdóttir, 8.4.2008 kl. 17:53]

Benedikt það gæti verið, hef ekki fylgst neitt sérstaklega með þessu máli.

[Ía Jóhannsdóttir, 8.4.2008 kl. 20:08]

Mikið rétt og ég held að við höfum hér ekkert um þetta að segja.  Forseti vor flýgur villt og galið um öll heimsins höf í sinni einkaflugvél  með sinni ,,spásu" mér gæti ekki stæðið meir á sama.

Verkferli, nýyrði fyrir mér en gott og gilt. Skilið vinkona. 

[Gullvagninn (IP-tala skráð) 8.4.2008 kl. 20:31]

eins og konan mín segir, "Peningar kosta peninga", og varðandi nauðsyn þeirra að spara tíma til að takast á við efnahagsmálin... þá vill Haarde helst ekki gera neitt, svo hann geri nú örugglega engin mistök, þannig að ekkert liggur á.

[Eva Benjamínsdóttir, 8.4.2008 kl. 22:44]

Mér er alveg sama, ég treysti þeim

En mig, mig, mig langar svo mikið að fara einhverntíman í svona þotu

[Óskar Arnórsson, 8.4.2008 kl. 22:51]

þekki þetta þotulið svoleiðis. þeir skellihlæhja að fálki sem er svo vitlaust að vinna fyrir sér á venjulegan hátt. Ríkistjórninni er nákvæmlega sama um þessa þjóð, enda of uppteknir að sinna sínum eigin fyrirtækjum..annars er þessi þotuumræða bara strætomiðaumræða miðað við það sem er að ske raunverulega..

[Gunnar Helgi Eysteinsson, 8.4.2008 kl. 22:52]

[Jenný Anna Baldursdóttir, 8.4.2008 kl. 23:03]

Þetta er óþarfa bruðl og ég fer ekki ofan af því.  Það sér hver maður sem vill sjá.  Heilbrigð synsemi og ráðvendni er flott verkfæri.

Svo má endalaust verðleggja alla hluti.  Og reikna sig bláan í framan og fá út þá upphæð sem passar.

Arg

[Theódór Norðkvist, 8.4.2008 kl. 23:15]

Þessi svokallaða fréttatilkynning forsukksráðuneytisins er full af rangfærslum og villandi staðhæfingum.

[Lilja Guðrún Þorvaldsdóttir, 9.4.2008 kl. 01:49]

Afhverju hefur maður aldrei heyrt talað um þetta "einkaþotu" ferðalag fyrr sem "sukk", ég man að fyrrverandi forsætisráðherrar, ferðuðust iðulega með flugvél Landhelgisgæslunnar.  Og ég man "ekki" til þess, að nokkur talaði um það, nema örfáir sjómenn sem lentu í óhappi eitt sinn, á meðan Landhelgisgæsluvélin var upptekin í för með, að mig minnir Halldóri Ásgríms þá.  - Sjómennirnir létu í sér heyra, en voru fljótt kveðnir í kútinn, með smjörklípuaðferðinni hans Davíðs.  En ég vissi ekki að Forseti vor, væri kominn á Einkaþotu líka. Hef aldrei heyrt það fyrr.