Sumargleðin okkar endaði sem Eurovision partí

Þrátt fyrir eindreginn ásetning minn og loforð bæði hátt og í hljóði um að hér yrði ekki fylgst með Júró var ég kaffærð af gestum mínum á laugardagskvöldið.  En hvernig átti annað að vera þar sem 12 Íslendingar voru saman komnir og margir algjörir Eurovision Fan, búnir að fylgjast með undankeppni og alles!

Á laugardaginn buðum við til Sumargleði hér að Stjörnusteini og um fimm leitið renndu hér í hlað kampakátir Íslenskir vinir okkar frá Vínarborg meira að segja með fánabera í forgöngu.  Að sjálfsögðu var rætt um Júróið og eftir kvöldverðinn vissi ég ekki fyrr en að búið var að tengja tölvuna við græjurnar og sjónvarpið á eftir hæðinni líka komið á full swing svo undir tók í allri sveitinni.  Ég var, þrátt fyrir allan minn góða ásetning komin í Júró partí og þar sem ég er svo rosalega gestrisin, eins og kemur fram í síðustu færslu,  þá ákvað ég að horfa fram hjá þessum mistökum í mínu eigin húsi.

Að sjálfsögðu var ég farin að dilla mér í takt við gömlu íslensku lögin og tók jafnvel nokkur spor hér úti á veröndinni gestum mínum til samlætis.  Áhugi minn var nú ekki meiri en það að ég varð að spyrja í lokin hver hefði unnið og hvort við hefðum lent ofar en í sextánda sæti.

Annars varð úr þessu dúndur partí fram eftir nóttu og allir í bana-júróstuði, jafnvel hún ég!

Takk fyrir komuna kæru vinir og landar!  Sjáumst fljótlega aftur í sama stuðinu hér eða í Vín!        

Partí hjá Páli Óskari

Athugasemdir

[Gunnar Helgi Eysteinsson, 26.5.2008 kl. 10:18]

Ég hefði vilja vera með í partíinu... segi ekki hvaða.

[Ía Jóhannsdóttir, 26.5.2008 kl. 10:39]

hehehhe ég tek þetta eins og þú hefðir viljað vera hér hjá mér Gunnar minn, annars held ég að Palli smarti hafi toppað mig.

[Kristín Gunnarsdóttir, 26.5.2008 kl. 10:57]

Komdu blessuð, jú jú ég bý þar, ert þú ekki í Prag, ég hef nu komið þangað einu sinni, gaman að koma þangað.

Knus til þín vinan

[Jenný Anna Baldursdóttir, 26.5.2008 kl. 11:01]

Ef fólk gleðst saman og nýtur sín, þá skiptir vísast litlu hvers vegan.

Hefði alveg viljað vera gestur að Stjörnusteini og hoppa með.  Lífið er bjútífúl.

[Ía Jóhannsdóttir, 26.5.2008 kl. 11:25]

Mikið rétt Kristín mín í hundrað turna borginni Prag, eða réttara sagt 50 km sunnan við turnana.

Jenný nákvæmlega, stundum gott að skvetta upp rassinum með góðum vinum. Ég bíð þér næst

[Guðrún Emilía Guðnadóttir, 26.5.2008 kl. 13:51]

Alveg nauðsynlegt að skemmta sér vel annars slagið,
gerir mann svo ungan.Milla.

[Lilja Guðrún Þorvaldsdóttir, 26.5.2008 kl. 15:55]

Og ég væri sko líka meira en til í Júró partý að Stjörnusteini. - Þó að það væri ekkert Júró, bara partý.-

[Ásdís Sigurðardóttir, 26.5.2008 kl. 23:18]

Það verður sko risapartý ef ég kemst til þín.  Knús