The Reykjavík Wind Quintet í hundrað turna borginni í kvöld.

Þjóðarstoltið var gjörsamlega að fara með mig í kvöld.  Strákarnir okkar úr Blásarakvintett Reykjavíkur þeir Bernharður Wilkinson á flautu, Daði Kolbeinsson á óbó, Einar Jóhannesson á klarinett, Joseph Ognibene á horn og Hafsteinn Guðmundsson á fagott gjörsamlega heilluðu áheyrendur hér í kvöld þar sem þeir héldu tónleika fyrir nær fullu húsi í Gallery Sargsyan í hundrað turna borginni Prag.

Einar Jóhannesson er búinn að dvelja hér hjá okkur í Listasetrinu undanfarnar vikur og var ákveðið að vinir hans úr Blásarakvintettnum kæmu hingað í lok dvalarinnar og héldu konsert í borginni.  Strákarnir hefðu nú átt að vera viku seinna á ferð þar sem við töldum september vænlegri til tónleikahalds.  En þeir fylltu nær húsið og fólk stóð upp í lokin og hylltu þessa frábæru listamenn okkar með húrrahrópum og lófataki. Margir sóttust eftir eiginhandaáritun og þeir voru stjörnurnar okkar sem lýstu hér upp síðsumarnóttina í öngstræti Prag í kvöld.

Efnisskráin fyrir ykkur tónlistaunnendur var Mozart, Ibert, Reicha, Páll. P. Pálsson, Bach og Farkas.

Á morgun ætla þeir að njóta lífsins í borginni með sínum eiginkonum en á laugardaginn koma þeir hingað að Stjörnusteini  þar sem þeir ætla að halda tónleika hér heima í garðinum okkar.

Þá býst ég við að þjóðarstoltið taki sig upp aftur og örugglega í miklu meira mæli þar sem þeir verða hér á næstum Íslenskri grund. 

Takk fyrir frábæra tónleika og ykkar návist kæru félagar! 

 

 

 

Athugasemdir

[Eva Benjamínsdóttir, 28.8.2008 kl. 21:54]

Ía mín, þú ert að vinna göfugt starf með því að skapa listamönnum góða aðstöðu. Gaman að uppskera, en það er það sem þú ert að gera. Gangi þér vel og góða skemmtun, bið að heilsa Einari.

[Jenný Anna Baldursdóttir, 29.8.2008 kl. 01:15]

Knús á þig dúllan mín, frábært verk sem þið eruð að vinna.

[Hulla Dan, 29.8.2008 kl. 10:07]

Þú ert bara frábær!!!
Sammála þeim að ofan.

Vona að þú og þínir eigi dásamlega helgi og njótið hennar í botn.

[Kristín Gunnarsdóttir, 29.8.2008 kl. 10:15]

Ia mín, vonandi nytur þú þín með þessum stókostlegu mönnum

[Sesselja Fjóla Þorsteinsdóttir, 30.8.2008 kl. 13:20]

Knús inn í daginn !

[Bergur Thorberg, 30.8.2008 kl. 21:00]

Þetta hljómar alla leið til okkar hér fyrir norðan í gegnum lýsingar þínar. Ég vildi að ég væri kominn til að TÉKKA á ykkur Ía mín. Bestu kveðjur.

[Lilja Guðrún Þorvaldsdóttir, 31.8.2008 kl. 01:24]

Ó, Ía það held ég að hafi verið stórkostleg upplifun hjá þér á Stjörnusteini í kvöld er leið, með alla þessa frábæru listamenn í garðinum þínum. - Ég hlakka til að lesa frásögn þína af þessum sérstæðu tónleikum.

[Sigrún Jónsdóttir, 31.8.2008 kl. 16:08]