Jólaljósin tendruð að Stjörnusteini.

Ljósadýrð loftið fyllir!  Ég jólabarnið er komin í jólafíling.  Mér finnst ekkert eins gaman og að skreyta húsið að utan og innan.  Ég vildi að þið gætuð séð núna útiskreytingarnar hjá okkur.  Þúsundir ljósa allt frá hliðinu og aftur fyrir veröndina ljóma nú eins og heill jólaheimur.  

Í ár vildi ég hafa hvítt og blátt frá innkeyrslunni og að framanverður svo auðvitað kostaði það nýjar seríur.  Ég bjóst nú helst við því að minn elskulegi mundi fitja aðeins upp á nefið en hann tók ekki minni þátt í þessum skreytingum og í hvert sinn sem hann kom úr bænum hafði hann keypt nokkrar nýjar ljósaseríur. Allar gömlu marglituðu seríurnar lýsa núna upp litla greniskóginn minn sem ég bjó til fyrsta árið okkar hér, fyrir aftan veröndina.  Verð að taka myndir af þessu og skella inn við tækifæri. 

Þökk sé Pavel okkar sem hefur staðið hér í þrjá daga frá morgni til kvölds við að gera þetta mögulegt, gera húsið og umhverfið að litlu jólalandi okkur til mikillar ánægju og ekki síður sveitungum okkar sem leggja leið sína hingað til að fá smá jólastemmningu.

   

Athugasemdir

[Sigrún Jónsdóttir, 27.11.2008 kl. 21:21]

Ég hlakka til að sjá myndir

[Ía Jóhannsdóttir, 27.11.2008 kl. 21:25]

Já dríf í því um helgina Sigrún mín.

[Guðrún Þorleifs, 27.11.2008 kl. 22:10]

Umm... Hljómar eins og alvöru jólaævintýri!!!
Hér eru ljós komin í 2 glugga, jólalög á "fónin", jólagleði í hjarta síðan í æðislega veðrinu á Íslandi í okt. smákökur komnar í box, jólamatur í frysti og eldhúsgluggarnir tilbúnir fyrir jóagluggatjöldin sem fara upp um helgina Eru ekki alveg að koma jól?

Kærar kveðjur í ljósadýrðina 

[Jónína Dúadóttir, 28.11.2008 kl. 06:18]

[Jenný Anna Baldursdóttir, 28.11.2008 kl. 09:32]

Þú ert alveg ferleg Ía að láta ekki myndir fylgja.  Okkur hér í kreppulandi veitir ekki af ljósum og yl.

Knús.

[Kristín Gunnarsdóttir, 28.11.2008 kl. 10:08]

Ég bíð spennt eftir myndum