,,Þar rauður loginn brann" hér að Stjörnusteini. Trúi mér hver sem vill.

Stjörnubjartur himinn hvelfist hér yfir sveitina og tungl veður í skýjum í frostkaldri vetrarnóttinni.  Það er Þrettándinn.

Ég heyri ógreinilega hófaskellina á íshjarninu hér á akrinum. Hljóðið færist nær og nær.  Nú sé ég loga frá blysunum sem bærast vart því enginn er vindurinn. Þau koma út úr kolsvartri nóttinni hvert af öðru ríðandi hvítum fákum.  Það heyrist klingja í reiðtygjum. Tær bjölluhljómur.

Nú sé ég þau greinilega.  Fyrstur fer Álfakóngurinn hvítklæddur í silki og purpura.  Þá næst Álfadrottningin, glæsilegust allra, klædd bláu silki með glitrandi bryddingum og skinni.  Þau ríða hægt yfir, hér er engin að flýta sér.  Á eftir kemur fjöldinn allur af fylgdarliði og þvílík ró sem fylgir þessu fólki.  Enginn mælir orð af vörum. Allir eru fyrir utan tíma og rúm.

Nú stoppar kóngur og réttir upp hendi. Allir hinir hægja á hestunum.  Úr annarri átt kemur önnur ekki síðri glæsileg hersing.  Þegar um það bil einn meter er á milli þessara tveggja höfðingja  þá reisa þeir sig upp í hnökkunum og heilsa hvor öðrum kurteislega. 

Enginn mælir orð frá munni.  Þeir sem komu frá austri halda til vesturs en þeir sem komu frá vestri halda beint hingað að Stjörnusteini.  Þar sem ég stend og fylgist með þessu reyni ég að píra augun og sjá hvert þeir fara en allt í einu skellur á þoka fyrir augum mínum og ég get ekki lengur fylgt þeim eftir.

Það eina sem ég veit með vissu, Huldufólkið hefur tekið búsetu hér hjá okkur og bíð ég þau hjartanlega velkomin. 

Fari þeir sem fara vilja.

Veri þeir sem vera vilja.

Mér og mínum að meinalausu.

 


mbl.is Jólin kvödd með virktum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigrún Jónsdóttir

Góður félagsskapur, falleg saga

Sigrún Jónsdóttir, 6.1.2009 kl. 22:37

2 Smámynd: Jónína Dúadóttir

Jónína Dúadóttir, 7.1.2009 kl. 07:11

3 identicon

Var einhvernvegin á staðnum og heyrði marrið í harðfenninu! Segir ein að lotum komin þriðja daginn í nýju vinnunni og vitandi það fyrir víst að--------kona á þessum aldri er lengur að læra en------- Er svo fljót að hrapa að ályktunum.

Hallgerður Pétursdóttir (IP-tala skráð) 7.1.2009 kl. 16:20

4 Smámynd: Guðrún Þorleifs

Ljúft hjá þér.

Sakna líka þrettándans . . .

Kær kveðja frá Als þar sem líka er snjór og smá hjarn

Guðrún Þorleifs, 7.1.2009 kl. 20:51

5 Smámynd: Jenný Anna Baldursdóttir

Jenný Anna Baldursdóttir, 7.1.2009 kl. 23:45

6 Smámynd: Kristín Katla Árnadóttir

Falleg saga kær kveðja.

Kristín Katla Árnadóttir, 8.1.2009 kl. 08:09

7 Smámynd: Hulla Dan

Snillingur

Hulla Dan, 8.1.2009 kl. 08:38

8 Smámynd: Anna Ragna Alexandersdóttir

Yndisleg saga  takk og mundu að dagurinn er þinn

Anna Ragna Alexandersdóttir, 8.1.2009 kl. 10:24

9 Smámynd: Þröstur Unnar

Fallegt.

Takk fyrir það.

Þröstur Unnar, 8.1.2009 kl. 14:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband