Loksins ásættanlegt nafn. Næstum búin að sætta mig við þetta þökk sé 5. - 7. bekk grunnskóla.

Þegar ég var heima í haust og barnabarnið var á leið út í leikskólann lét faðir hans einhverja dulu yfir höfuðið á blessuðum drengnum.  Ég reyni alltaf að skipta mér sem minnst af en þarna gat ég ekki orða bundist og spurði:

-Hvað er þetta eiginlega?

-Þetta er Buff

-Buff hvað?

-Bara Buff

-Og á drengurinn að far út með þetta á höfðinu?

-Já af hverju ekki, það eru allir með svona í leikskólanum, þetta er inn.

Hugsaði já en barnið er tveggja ára veit ekkert hvað er inni eða úti.  Þetta er sem sagt inn hjá foreldrum.

-Já er það sagði ég og hverju á þetta lufsuverk að skýla, það er við frostmark úti

-Hann er með aðra húfu í skólanum.

Amman þagði en hugsaði aumingja barnið hann lítur út fyrir að vera niðursetningur með þennan skræpótta skýluklút. Lítur út eins og förukerling.

Það skal tekið fram að á meðan ég dvaldi á heimilinu og fór út með drenginn á meðal fólks var buffið týnt og tröllum gefið.

Haldið þið ekki að minn elskulegi hafi keypt sér svona buff þarna uppi á LOST landinu en það hvarf líka með óskiljanlegum hætti sko áður en við komum heim.

Ég skil núna og veit að það var nafnið á þessu þarfa háls, eyrna og höfuðskjóli, sko auðvitað var ég frædd um gildi buffsins, sem fór svona hrikalega fyrir brjóstið á mér. 

  B U F F !  Lindu, Góu eða hakkað buff langaði mig nefnilega til að spyrja.  Ónefni sem ég bara sætti mig ekki við og þ.a.l. þoldi ég ekki þennan höfuðbúnað. Einfalt mál.

Skjóla merkir jú fata en getur líka merkt skjól ef við horfum fram hjá öllum sólarmerkjum.

Er næstum búin að sætta mig við að börn gangi með þennan skýluklút um höfuð.

 

 

 

 

 

Höfuðfatið heitir skjóla

Athugasemdir

[Jónína Dúadóttir, 22.1.2009 kl. 19:49]

[Gudrún Hauksdótttir, 22.1.2009 kl. 20:07]

Buff...Nefnilega.

Ég á eitt slíkt med fánum   ísland-danmörk.

Hef svo sem ekki notad tad enntá en kannski einhverntímann.

kvedja frá Jyderup

[eb (IP-tala skráð) 22.1.2009 kl. 20:46]

þetta hét strokkur í gamla daga, svona 1960 og eitthvað. 

[Eva Benjamínsdóttir, 22.1.2009 kl. 21:48]

Ég hélt að öll börn með Buff á Íslandi væru með krabbamein. Rosalega hefur krabbameinið breiðst út síðan ég var lítil, hugsaði ég. Hvergi sást í fallegt barnshár eða koll - þetta var sorglegt. - Það sem maður getur misskilið hlutina. Auðvitað varð ég himinlifandi þegar ég uppgötvaði sannleikann.

[Ía Jóhannsdóttir, 22.1.2009 kl. 22:01]

Já eb ég man vel eftir strokkunum en þeir voru prjónaðir og ég átti nokkra svoleiðis.  Þetta lítur út eins og tóbaksklútur í sparifötunum.

[Sigrún Jónsdóttir, 22.1.2009 kl. 23:57]

Hehe...mér finnst þetta líka alveg ferlega ljótt.  Strokkurinn var mikið gerðarlegri og ég er að hugsa um að prjóna einn appelsínugulan núna

[Ragnheiður , 23.1.2009 kl. 00:24]

Hehehehe já ...þetta er algert ógeð, ég færi frekar út með gamaldagsskjólu á höfðinu

[Þorgils Hlynur Þorbergsson (IP-tala skráð) 23.1.2009 kl. 02:23]

Er þetta ekki fremur nokkurs konar skupla? Kær kveðja, Þorgils Hlynur

Þorbergsson.

[Hallgerður Pétursdóttir (IP-tala skráð) 23.1.2009 kl. 07:02]

Á ég að segja þér svolítið? Mig langar í Buff! ég er klár á því að það er notarlegt að vera með Buff.Ekkert vesen með hárið ..........

[Ía Jóhannsdóttir, 23.1.2009 kl. 09:42]

Hallgerður ég vissi að þú værir pínu spes og hættu svo að ljúga hehehe.

 Takk fyrir innlitið Þorgils sko þetta fer eftir því hvernig það er notað skilst mér

Gaman að heyra frá ykkur öllum.

[Hallgerður Pétursdóttir (IP-tala skráð) 23.1.2009 kl. 09:44]

Takk fyrir að meta mig spes. Sé þig hinsvegar ekki Buffaða með þetta þykka fallega hár

[Kristín Katla Árnadóttir, 23.1.2009 kl. 09:52]

[Brynja skordal, 23.1.2009 kl. 10:55]

[Guðrún Emilía Guðnadóttir, 23.1.2009 kl. 11:12]

Ég mun aldrei þola þennan höfuðbúnað, það eru til buff/skjóla í öllum útgáfum,
sem sagt frá öllum teiknimyndunum á síðan var ég eitt skipti í Húsasmiðjunni og mér voru gefin svona buff nokkur stykki nú ég í sakleysi mínu gaf ljósunum mínum buff
viti menn var þetta þá ekki gangandi auglýsing fyrir Húsasmiðjuna það duttu nú af mér allar hömlur og sagði í ruslið með þetta, nei amma þetta er svo flott.
nei þá voru nú lambhúshetturnar betri þó það höfuðfat hafi aldrei fallið í kramið hjá mér, en nú er ég hætt áður en þið kallið mig snobbaða, en svona er ég bara.
Þoli heldur ekki moonbuts. Lofa að hætta núna.
Ljós til þín
Milla

[Ía Jóhannsdóttir, 23.1.2009 kl. 11:19]

Milla heldurðu að við séum dálítið aftan á kúnni?  Heyra bráðum Ohh hún amma! hehehe...

Hallgerður ég geng með hatta og ekkert kjaftæði

[Ásdís Sigurðardóttir, 23.1.2009 kl. 13:05]

Sammála þér góða helgi 

[Guðrún Emilía Guðnadóttir, 23.1.2009 kl. 14:01]

Nei Ía við erum bara konur með góðan smekk

[Ragga (IP-tala skráð) 25.1.2009 kl. 18:54]

Ía, buff er snilld! Ég á 2 buff og nota þau alltaf þegar ég fer út að hlaupa eða á snjóbretti.... annaðhvort á hausinn sem eyrnaband (eða e-ð) eða um hálsinn :o)

[Jenný Anna Baldursdóttir, 27.1.2009 kl. 13:48]

Það er ekkret skjól í skjólu þessari.

-