Ég er að pæla í því svo mikið..............

Það er svo margt sem ég er að velta núna fyrir mér. Ég hef verið að spyrja sjálfa mig hvort ég ætti að setja þessa þanka mína hér niður eða skrifa það heldur í bók minninganna en sú skrudda er ekki til sýnis hverjum sem er. 

Margt af því sem mig langar til að deila með ykkur á fullan rétt á því að koma fram í dagsljósið sumt gæti jafnvel opnað augu fólks en gæti líka reynst öðrum hart að kyngja.  Það hefur ekki vantað hvatningu en ég er eitthvað svo rög að taka stóra skrefið.  Hella mér útí djúpu laugina.

Nú brosa margir út í annað því hvað hef ég ekki oft hent mér út í þá djúpu og svamlað alltaf upp að bakkanum.  Hvers vegna ekki einu sinni enn?

Og hvað er það sem mig langar svo mikið að deila hér með ykkur?

 Nei hefur ekkert að gera með kosningarnar, flokka eða pólitík almennt.  Gæti ekki staðið meir á sama um allan þann endemis hálfvitagang sem þarna er í gangi uppi á mínu fagra föðurlandi. Stundum óska ég þess að þjóðin kjósi bara yfir sig ,,jólasveininn".  Pælið í því hvað er í gangi þarna hjá þingheimi öllum.  Ég skil engan útundan mér finnst sami rassinn undir þeim öllum, só sorrí!

  Ekki heldur hefur það neitt með ástand gamalla húsa að gera eða hústökufólk sem kemur sér fyrir í ónýtum hjöllum stórkaupstaðarins.  Hvað þá það skipti mig máli hvort verðir laganna heima æpi Gas,gas,gas og aftur gas. Allt í einu komnir á bólakaf inn í einhvern æsispennandi amerískan thriller með kylfur á lofti og stríðsglampa í augum. 

  Ef hústökufólk hefur gaman að því að koma upp þessum hjöllum, þrífa til og hreinsa út kakkalakka (síðan hvenær hafa kakkalakkar þrifist á Íslandi?) þar sem eigendur hafa ekki séð sóma sinn í því að rífa þessi hreysi niður þá bara mega þeir taka þessi hús mín vegna til handagagns.  Tala nú ekki um ef þarna var búið að koma upp ,,verslun" sem,,seldi" ókeypis varning og sneisafullur pottur stóð á hlóðum allan daginn fyrir þurfalinga.   Biðið við er þetta bara ekki hið besta mál? 

 En hvers vegna í ósköpunum varð að eyrnamerkja húsið með graffeti?  Æ greyin mín  þarna klikkið þið alveg.  Það þarf nebblega að vera smá dipló til að fólk fíli ykkur.  Nei ég segi bara svona. 

 Dísus hvað ég næ þessu ekki. 

Heheheh nei það var sko alls ekki þetta sem ég vildi deila með ykkur það kemur seinna.

Veit ekki, ef til vill, ef til vill ekki.  

 

 

 

  

Athugasemdir

[Ragnheiður , 15.4.2009 kl. 20:21]

Nú, við bíðum bara

[Ía Jóhannsdóttir, 15.4.2009 kl. 20:31]

Hehehe jamm Ragga mín.

[Ragna Birgisdóttir (IP-tala skráð) 15.4.2009 kl. 20:39]

Láttu flakka.

[Sigrún Jónsdóttir, 15.4.2009 kl. 20:44]

Ía þínar pælingar verða örugglega þess virði að bíða eftir þeim

[Sjóveikur, 15.4.2009 kl. 20:49]

http://www.icelandicfury.se/video.php myndband http://www.icelandicfury.se/free/09Track.zip frítt niðurhal

[Jónína Dúadóttir, 15.4.2009 kl. 20:58]

[Ía Jóhannsdóttir, 15.4.2009 kl. 21:50]

Já læt sjálfsagt flakka stelpur mínar einn daginn. 

[Bailey, 15.4.2009 kl. 22:06]

Góður pistill eins og alltaf en nú er ég orðin forvitin 

[Gudrún Hauksdótttir, 16.4.2009 kl. 09:35]

Nú ertu búin ad gera okkur frekar spennt kæra Ía mín.En ég bíd veit tær eru tess virdi.

Hjartanskvedja til tín frá Hyggestuen.

[Halla Guðmundsdóttir (IP-tala skráð) 16.4.2009 kl. 12:19]

JÁ  !!!!!!

Og koma svo......

[Hulla Dan, 17.4.2009 kl. 09:11]

Mikið er ég sammála hverju orði í þessari færslu hjá þér Ía mín.

Gott þið Guðrún og Billa náðuð að hittast, þau eru perlur sem þú og þinn sennilega eruð líka.

Þú mátt gjarnan halda augunum opnum fyrir skilvindu og láta mig vita ef þú rekst á eina slíka  

Ég bíð spennt eins og hinar og veit að það er vel þess virði.

[Anna Sig (IP-tala skráð) 17.4.2009 kl. 10:08]

Heil og sæl kæra Ía - ég les skrifin þín í hverri viku og það er mjög áhugavert það sem þú hefur að segja og mér finnst ég vera í "miðri sögubók" og langar að þakka þér innilega fyrir þessi mjög svo gefandi og fallegu skrif og fyrir að vera þú (gamla skólasystir) sú kona veit ein sjálf hvað er rétt í eigin tilvikum. Ég hef fengið aðeins að reyna á eigin skinni erfiðleika og veikindi, hvað það var margt á þeim tíma sem mig langaði að miðla til annarra og segja frá ennnnnnn NB ég ákvað að "bíða" með það og nú er kjarkurinn "úti " þannig að litla "prívat" minningabókin geymir það sem mitt nánasta mun lesa síðar- !! ef vill.  Áfram Ía  - gangi þér vel mín kæra - kær kveðja Anna Sig

[Jóhanna Magnúsar- og Völudóttir , 18.4.2009 kl. 12:43]

Skrifaðu endilega niður, fyrir þig og aðra!

Knús frá  (Dr)aumalandinu!

[Hallgerður Pétursdóttir (IP-tala skráð) 18.4.2009 kl. 17:57]

Flottur pistill og ótrúlega sannur það er að segja þessi dægurmál sem rifist er út af og gleymd að morgni. allar þessar skoðannir um ekkert eða nánast ekkert. Það sjáum við eftir á. Þú ert í miðri orrahríðinni og það sem þú sendir frá þér er ást og kærleikur. Auðvitað vitum við mörg að þær eru þér margar erfiðar stundirna.

Ég hugsa til þín á hverjum einasta degi með kærleika en fyrst og fremst þakklæti fyrir að fá að kynnast þér. Er sennilega rétt í gættini með það kæri vinur.