Gradualekórinn hans Jóns Stefánssonar kom hingað í dag.

Það er ekki á hverjum degi sem við fáum einkakonsert hér að Stjörnusteini en þó kemur það fyrir.

  Klukkan hálf fimm í dag keyrði Grétar Hansson rútuna sína í hlað

Ef þið smellið á myndina þá sjáið þið að rútan er merkt Reykjavík Iceland

 og út skondruðust flottu stelpurnar hans Jóns Stefánssonar úr Gradualekórnum.  Hver annarri glæsilegri!

Kórinn er hér í Prag í nokkra daga og hélt tónleika í miðborginni í gærkvöldi og einnig söng hann við messu í gærmorgun en það voru víst viðstaddir athöfnina um 500 manns.  Var þeim rosalega vel tekið og fengu meir að segja klapp í messunni sem er víst ekki algengt að gerist hér við slíkar athafnir.

  Þar sem ég gat ekki sótt tónleikana í gærkvöldi fékk ég einkakonsert hér í dag.  Þær tóku lagið fyrir mig út í Listasetrinu og að sjálfsögðu undir stjórn síns meistara.

Ég þarf ekki að taka það fram hér að kórinn er alveg sérlega flottur með frábærar raddir enda held ég að ég fari rétt með að það séu 22 stelpur af þessum 30 sem eru í söngnámi hjá einkakennurum.

 Áður en haldið var til Prag var að sjálfsögðu tekin ein hópmynd en því miður sjást ekki allar skvísurnar á myndinni.  Hundspottið sem þið sjáið í var að trufla myndatökuna svo ljósmyndarinn fór aðeins út fyrir rammann.

Takk elsku Jón minn fyrir að koma með stelpurnar þínar hingað í heimsókn og gangi ykkur vel á alþjóðamótinu í Olomoc. 

Takk stelpur fyrir frábæran söng og skemmtilegan eftirmiðdag hér í garðinum. Þið eruð landi okkar og þjóð til sóma!

 

Athugasemdir

[Ísleifur Gíslason, 1.6.2009 kl. 20:24]

Alltaf flott á Stjörnusteini

[Sigrún Jónsdóttir, 1.6.2009 kl. 21:12]

Yndislegt

[Ragnheiður , 1.6.2009 kl. 23:46]

Frábært að fá slíka heimsókn...alveg snilld.

Þetta er líka svo góð kynning á okkur hér Mörlöndum

[Jónína Dúadóttir, 2.6.2009 kl. 08:22]

Frábært

[Ragna Birgisdóttir (IP-tala skráð) 2.6.2009 kl. 08:31]

[Guðrún Emilía Guðnadóttir, 2.6.2009 kl. 10:13]

Yndislegt elsku Ía mín þú áttir nú alveg skilið að fá einkatónleika.
Kærleik til þín
Milla

[Ásdís Sigurðardóttir, 2.6.2009 kl. 13:17]

Þetta hefur verið yndisleg heimsókn.  Grétar þekki ég síðan í den þegar ég var á Samvinnuferðum og Jón er frændi minn úr Mývatnssveit. Kær kveðja til ykkar

[Ía Jóhannsdóttir, 2.6.2009 kl. 13:41]

Ja hérna Ásdís lítill er heimurinn.  Grétar er einn af þeim fáu sem þora að keyra svona stórar rútur alla leið að dyrum. Hann er algjör perla búin að keyra með honum  um Þýskaland með góðum hóp vina.  Jón þekki ég frá því, ja guð má vita síðan hvenær,það eru alla vega ansi mörg ár.

Tak fyrir innlitin dömur mínar og herra.

[Hildigunnur Rúnarsdóttir, 2.6.2009 kl. 15:45]

Tusund takkir fyrir okkur! 

[Ía Jóhannsdóttir, 2.6.2009 kl. 16:35]

Okkar var ánægjan að fá ykkur hingað Hildigunnur mín. 

[Jenný Anna Baldursdóttir, 3.6.2009 kl. 11:43]

Heppin ertu.

Yndislegt.