Ekki eftirsóknarvert

Var að koma heim úr einu af þessum puttamatarboðum.

Þið vitið hvernig þetta er, heilsa kurteisilega og kynna sig:

,,Gott kvöld.  Ég heiti so & so og er frá Íslandi".

Skil ekki alveg hvers vegna ég segi alltaf öllum hvaðan ég kem.  Einhver lenska hjá mér í öll þessi ár. Held bara að mér hafi þótt það flott að vera frá þessari litlu eyju á norðurhjara veraldarinnar. Alla vega þótti það athyglisvert að vera frá Íslandi.  Landinu þar sem allt var að gerast.

   Í dag veldur það mér bara veseni að tilkynna hvaðan ég kem. Sorgleg staðreynd.

,,Vá ertu frá Íslandi?  Hvernig er ástandið þar núna?  Hvernig stóð á því að þið fóruð á hausinn?  Hverjir eru ábyrgir fyrir því að þið eruð gjaldþrota þjóð?  Hvað með skuldirnar, ætlið þið að borga?  Haldið þið að þið komist inn í EU?  Er forsætisráðherrann ykkar lessa?

Haldið að þetta sé ekki skemmtilegt?    Nei elskurnar í dag er ekki eftirsóknarvert að vera frá fallegu eyjunni okkar í norðri.

Annars erum við bara í góðum málum hér að Stjörnusteini og mætum í næsta puttamatarboð á morgunn klukkan sex, promt. 

Athugasemdir

[Hallgerður Pétursdóttir (IP-tala skráð) 16.8.2009 kl. 21:33]

Þetta er vont flotta kona. Að kannast ekki við uppuna sinn. Það hefur áður blásið hressilega.

Held, miðað við það sem þú hefur gengið í gegn um, að við séum að tala um smámál.

Segi við við flotta peyjann þinn: Góða kvöldið......

[Ásdís Sigurðardóttir, 16.8.2009 kl. 22:25]

Eru puttamatarboð ekki bönnuð úna á flensutímum. ??  góðar stundir

[Anna Sig (IP-tala skráð) 16.8.2009 kl. 22:41]

Heil & sæl mín kæra - ég skil hvað þú ert að segja um að vera frá litla Íslandi. Ég fór til Tyrklands í mars, þeir vildu vita hvaðan við værum. Æ-æ-við forðuðumst að segja það upphátt við vorum farin að hvísla því, annars vorum við bara "greyjuð" æ-æ-æ- aumingja þið-kom frá nástöddum. Tyrkir eru líklega í svipaðri "lásý stöðu" og við og kannski þótti þeim notalegt að hitta "lítil Íslensk grey" sem voru með allt niðrum sig og jafnvel verr staddir en þeir sjálfir. Við ákváðum að vera næst frá Hollandi þegar spurt væri.....:) ekki gott mál ! þá miða ég við gamla tíma þegar það var bara nokkuð flott að vera íslendingur. Kær kveðja elsku Ía - gangi þér vel í putta "partýjum" love  Anna Sig

[Jenný Stefanía Jensdóttir, 17.8.2009 kl. 04:04]

Datt í þessa afneitun snemma í Október s.l. þegar ég stóð sjálfa mig að því að svara mjóróma " I come from Europe", lét þó af þessu leiða svari, því það kallaði á næstu spurningu; where in Europe?  Náði því aldrei að afneita þrisvar eins og Júdas gerði.  Kannast samt við þetta spurningarflóð sem dynur á í síbylju; "what the heck happened there"?????

Besta við puttamatinn er að sleikja puttana  ;)

[Jónína Dúadóttir, 17.8.2009 kl. 08:06]