Ég sakna Jennýar! - Leiðist þér ekki þarna á Eyjunni vinkona?

Engin Jenfo í morgun hér á blogginu!  Kaffið smakkaðist jafn illa og mér leið illa. Maður er alveg miður sín, konan búin að skemmileggja daginn fyrir manni, sko alveg!

  Svona getur maður tengst ókunnugri manneskju á örskömmum tíma.  Það var eitthvað sem við áttum sameiginlegt.  Sjálfsagt kaldhæðnina, orðbragðið og brussuskapinn.

Ekki það að ég sé mikið fyrir að henda mér í veggi mér þykir of vænt um minn eðal skrokk til þess að ég lúskri á honum af og til eins og Jenný gerir stundum en það var svo margt annað sem gaman var að fylgjast með frá kærleiks. Ást hennar á DO og fleirum bláum var eitthvað svo heillandi þegar hún skrifaði í kasti, hömlulaust!  

O jæja það er ekki hægt að fá allt sem maður vill hér í henni veslu.

En Jenný mín svona í alvörunni leiðist þér ekki þarna á Eyjunni?

Við tökum þér feginshendi aftur any time hér.    

En á meðan nóttu þín á þessari Eyju þinni!  Ég lít við öðru hvoru til að fylgjast með þér svo þú verir þér ekki til skammar daglega.

Djöfull að fara svona með daginn fyrir manni!

Athugasemdir

[Ásdís Sigurðardóttir, 1.10.2009 kl. 12:10]

Ja segðu, vona að hún detti hér inn aftur fljótlega.

[Ía Jóhannsdóttir, 1.10.2009 kl. 12:19]

Já góðan daginn Ásdís, var farin að halda að ég væri sú eina sem saknaði hennar þar sem engin hefur skrifað hér fyrr en nú hehehe......

[Guðrún Emilía Guðnadóttir, 1.10.2009 kl. 16:59]

það er hundleiðinlegt þarna á Eyjunni, held ég, var að lesa hjá henni og hún er bara frábær þessi frænka mín.
Knús til þín elsku Ía mín
Milla

[Ía Jóhannsdóttir, 1.10.2009 kl. 18:23]

Já að sjálfsögðu er hún góð Milla það kemur varla til að breytast en bara vesen að verða að fara þar inn til að fylgjast með henni hehehe

[Jónína Dúadóttir, 1.10.2009 kl. 18:45]

Þú ert ekkert ein um að sakna hennar, annar er ekkert mál að fylgjast bara með henni á FB... hún setur bloggin þar inn 

[Ía Jóhannsdóttir, 1.10.2009 kl. 19:01]

Jú jú Jónína en það er bara ekki það sama og að hafa hana hér blaðskellandi og hendandi sér í veggi í tíma og ótíma.  En við verðum víst bara að taka þessu með skilning og vona að hún snúi aftur einn daginn.

[Hrönn Sigurðardóttir, 1.10.2009 kl. 22:33]

Sumir fara - aðrir koma. Það er lífsins saga ;)

[Jenný Stefanía Jensdóttir, 2.10.2009 kl. 14:57]

Sammála, en það sem hún hefur párað á Eyjuna so far, er rosalega Jennýjarlegt.  Stíllinn enn þá sá sami, óborganlega fyndin.  Gefum henni sjéns þarna á eyjunni.

[Anna Sig (IP-tala skráð) 6.10.2009 kl. 01:14]

Halló!  sæll ! sagði konan - í TV í kvöld - það var bara gaman að hlusta á Siv Friðleifsdóttur-hún datt inní unglingatal úr ræðustóli hins háa alþingis - ha-ha-ha. En það var ekki málefnið  - elsku Ía nú er ég farin að SAKNA skrifa þinna :) viltu aðeins kíkja hér inn og sinna þessu hér mín kæra ! Ég kíki alltaf hingað þó að ég kaupi ekki Moggann - en þín skrif gefa svooooo mikið - og hana nú ! Viltu gefa þér smá stund með mér hér. Er tölvan ekki í lagi eða ?  kær kveðja frá aðdáanda Anna Sig