Diddú söng sig inn í hjörtu allra hér í kvöld

Hvað er hægt að hugsa sér betri Íslandskynningu en að fá okkar ástsælu sópran söngkonu til að halda uppi tónleikum á þjóðhátíðardaginn okkar!  Diddú var perla okkar hér í kvöld og ljósmyndarar kepptust um að mynda hana í bak og fyrir eftir stórkostlega tónleika hér í Rudolfinum.

Divan okkar var númer eitt og ekki spillti undirleikari hennar hún Steinunn Birna Ragnarsdóttir.  Þær stöllur komu fram hér í kvöld á sameiginlegum tónleikum Tyrkja og Íslendinga.  Öllum fyrirmönnum þjóðarinnar var boðið og salurinn var þétt setinn bæði uppi og niðri. 

 Tyrkir byrjuðu konsertinn og komu þar fram ágætlega frambærilegir tónlistamenn, flautuleikari sem ég kunni nú ekki alveg að meta enda var tónlistin afskaplega Tyrknesk en síðan kom mjög svo frambærilegur píanisti sem skilaði vel Mozart.

Eftir hlé kom að okkur Íslendingum og stigum við hjón saman á svið og buðum gesti velkomna og sögðum lítileiga frá því að nú væri haldinn þjóðhátíðardagur okkar Íslendinga.  Síðan kynntum við þær stöllur Diddú og Steinunni og óskuðum fólki góðrar skemmtunar.

Steinunn Birna byrjaði á því að spila verk eftir Dvorsák og síðan sigldi okkar eina og sanna sópransöngkona inn á sviðið.  Diddú byrjaði á því að syngja nokkur nokkur Íslensk lög og í lokin tók hún með hljómsveitinni aríu úr LaTraviata

Við áttum kvöldið!  Eftir tónleikana buðum við um 80 manns til smá samsætis í forsetasalnum þar sem fólki gafst kostur á að hitta listamennina.  Það fór ekkert á milli mála við stóðum með pálmann í höndunum  í kvöld!

Takk elsku Diddú mín og þakka þér fyrir að tileinka mér eitt lagið á tónleikunum.  Við erum báðar svo elskar Halldóri okkar Laxness enda varstu bara smá písl þegar við hittumst fyrst í Brekkukotinu.

 

   

 

Athugasemdir

[Jenný Anna Baldursdóttir, 17.6.2008 kl. 23:49]

[Ía Jóhannsdóttir, 17.6.2008 kl. 23:52]

Jenný ég er enn með gæsahúð og elskan hún Diddú er eins og litla systir mín

[Hulla Dan, 18.6.2008 kl. 05:01]

En frábært fyrir þig
Diddú er náttúrulega bara perla og með ótrúlega mikla útgeislun...

Eigðu góðan dag.

[Gudrún Hauksdótttir, 18.6.2008 kl. 09:10]

Ad hlusta á Diddú okkar yndislegu söngkonu er  svo dásamlegt.Tad er samt allt of langt sídan ég hef farid á tónleika med henni.Ég hafdi tad fyrir vana er ég bjó á ísl. ad vera á jólahladbordi í Hlégardi og söng Diddú alltaf fyrir okkur.Tetta hefur verid dásamlegt kvöld hjá ykkur.

Knús á tig inn í nýjan dag.

[Jóhanna Magnúsar- og Völudóttir , 18.6.2008 kl. 10:49]

Já, þau eru alveg frábær systkinin Páll Óskar og Diddú. Hafa svo mikið að gefa.

Eigðu góðan dag.

[Sigrún Jónsdóttir, 18.6.2008 kl. 12:34]

Þetta hefur verið frábær stund hjá ykkur.  Eigðu ljúfan dag Ía mín

[Guðrún Emilía Guðnadóttir, 18.6.2008 kl. 14:07]

Mikið hefur þetta verið góður dagur, til hamingju með hann Ía mín
                           Knús kveðjur.
                             Milla.

[Ía Jóhannsdóttir, 18.6.2008 kl. 21:21]

Takk fyrir öll innlitin stelpur mínar.

Já Hallgerður ég lék stelpuskottið í bakaríinu og síðan vann ég allt sumarið með Rof Hedrich og Sveini Einars og öllu hinu liðinu hjá sjónvarpinu við gerð myndarinnar. Ógleymanlegur tíma skal ég segja þér. 

[Þröstur Unnar, 18.6.2008 kl. 21:58]

Ekki smá veisla.

En seggðu mér væna mín, er ekki Kaffi Reykjavík í henni Prag?

[Ía Jóhannsdóttir, 18.6.2008 kl. 22:36]

NEI  !!!!!! Þröstur það heitir Restaurant Reykjavík, sem er allt önnur ella. Hehehhe  en Íslendingar kalla staðinn alltaf kaffi Reykjavík.  Svo er svo brjálað að gera á þeim merka stað að við tökum ekki svona smá veislur inn, heldur förum með mat og veigar út í bæ.  Síðan er nú ekkert sérlega skemmtilegt að halda veislur á sínum eigin veitingastað þar sem minn elskulegi væri bara á hlaupum á milli eldhúss og þjónaliðsins og konsúlínan yrði að sjá um skemmtiatriðin.  Hér koma fullt af smile merkjum til að valda eingum misskilning. 

[Sesselja Fjóla Þorsteinsdóttir, 19.6.2008 kl. 10:47]

'o hú Diddú ert frábær.  Njóttu dagsins !

[Sesselja Fjóla Þorsteinsdóttir, 19.6.2008 kl. 10:47]

Meinti Ó hún ....