Litbrigði lífsins

12.1.2009 | 10:52

Bíllinn sem talar mannamál, eða þannig.........

Ekkert lát er á brunakuldanum hér í Tékklandi og telja veðurfræðingar að þetta kuldakast haldist eitthvað fram í næstu viku.

Í morgun sýndi hitamælirinn sem ég er nú farin að kalla frostmæli - 23° hér í sveitinni. Brrr...

Það tók minn elskulega langan tíma að koma bílnum í gang þar sem hann átti erindi inn í borgina eldsnemma í morgun og þegar það loks tókst blikkuðu öll viðvörunarljós í mælaborðinu og birtist stórum stöfum og gáfuleg rödd tilkynnti: End journey now!!! eða eitthvað álíka gáfulegt. Sko bíllinn hans talar mannamál og eins gott því annars hefði minn bara flanað út í einhverja vitleysu.

Hann lét farartækið ganga smá stund og eftir nokkrar mínútur fór að lækka rostinn í bílnum og viðvörunarljósin slokknuðu smátt og smátt og röddin kom aftur: You can start your journey now but drive carefully!!! Já, já alveg hreina satt. Whistling

Annars var helgin hér róleg og mest gert nákvæmlega ekki neitt. Í gær heimsóttum við þessa litlu dúllu sem bræðir öll hjörtu með sínu yndislega brosi.

Hvað ég geri í dag veit ég ekki enn er svona að pæla í því hér yfir þriðja kaffibollanum.

Meginflokkur: Bloggar | Aukaflokkar: Lífstíll, Samgöngur, Tölvur og tækni | Facebook

Athugasemdir

Úff, en sá kuldi. En það vorar snemma hjá ykkur, er það ekki?

Sigrún Jónsdóttir, 12.1.2009 kl. 11:00

Hryllingskuldi er þetta hjá ykkur og gáfulegur bíll

Ég er búin að vera að spá í og er enn að spá í að fara í ræktina

Verði þér kaffið að góðu

Guðrún Þorleifs, 12.1.2009 kl. 11:45

Mestur munurinn verður er þeir geta bara ekið fyrir mann líka, en það verður nú trúlega eigi fyrr en í næsta lífi
Yndisleg litla snúllan ykkar.
Ljós úr kuldanum á Húsavík.
Milla.