Strákaskammirnar hans Einars Jóhannessonar klarinettó, Jónas Ingimundarson píanóleikari og Rannveig Fríða Bragadóttir Óperusöngkona á einu bretti!

Við erum komin heim og satt best að segja fór ég meir á viljanum heldur en getunni til Vínar en gaman var það og ég hefði ekki viljað missa af því að hitta strákaskammirnar í blásarakvintett Reykjavíkur eins og Einar klarinettó kallar þá,  hvað þá að missa af því að hitta Jónas Ingimundar, píanóleikara og Rannveigu Bragadóttur messóprimadonnu en Jónas spilaði með strákaskömmunum á tónleikunum en Rannveig kom og borðaði með okkur fámennum en góðum hóp eftir tónleikana í boði sendiherrahjónanna á Sole.

Mér gafst tækifæri á að skamma hana fyrir að vera ekki búin að koma og heimsækja mig eftir öll þessi ár en hún lofaði að bæta út því fljótlega.  Algjör dúlla hún Rannveig mín, hefur ekkert breyst síðan hún var fimmtán svei mér þá! 

Eins og alltaf var tekið á móti okkur eins og höfðingjum af sendiherrahjónunum okkar og stofutónleikarnir sem strengjakvintettinn hélt á miðvikudagskvöldið með undirleik Jónasar Ingimundar var frábær og gestir klöppuðu þeim lof í lófa vel og lengi.

Ég gekk aðeins fram af mér daginn eftir með því að rápa um borgina þannig að ég gat ekki mætt á tónleikana á fimmtudagskvöldið en hitti strákaskammirnar fimm, Jónas og frú Ágústu, Rannveigu Fríðu Bragadaóttur að ótöldum sendiherrahjónunum á Sole seinna um kvöldið.  Sole er þekktur staður þar sem frægir tónlistamenn sækja að staðaldri.  Við komum þarna í fyrsta sinn með Kolbeini Ketilssyni Óperusöngvara sem þá var að læra í Vín, svo það eru liðin ár og dagar síðan við komum þarna í fyrsta skipti og satt best að segja, fyrir ykkur sem þekkið staðinn, hefur ekkert  breyst,  sömu þjónarnir taka á móti þér á ítölsku og maturinn er enn frábær. 

Við Þórir enduðum síðan ferðina með því að fara með Jónasi Ingimundar og Ágústu konu hans á Nas-markt í gær og fengum okkur saman hádegismat áður en við lögðum af stað heim á leið.  Frábært að setjast niður með þeim hjónum og tala um lífsins gagn og nauðsynjar og þar sem við Jónas eigum margt sameiginlegt var þetta mér mómetanlegt. 

Ég hlaka til að geta tekið á móti þeim hér í sveitinni á næsta ári og þá verð ég búin að fjárfesta í flygli eins og ég lofaði, ekki málið. 

Takk fyrir frábæra tónlistadaga kæru vinir mínir.

   

Athugasemdir

[Lilja Guðrún Þorvaldsdóttir, 28.6.2009 kl. 00:01]

En hvað þetta er skemmtileg frásögn, en nú verður þú að fara vel með þig í nokkra daga og hvíla þig vel.   Þú mátt ekki fara að rjúka í garðtiltekt eða eitthvað álíka,    því þú þarft að safna kröftum fyrir næstu lotu. 

 Er það ekki fljótlega á dagskrá ferðin til Íslands?

[Ía Jóhannsdóttir, 28.6.2009 kl. 00:14]

Heheheh var aðeins að róta í beðunum í dag Lilja mín.  Halla mín ætlar held ég að sjá um hitting þegar ég kem heim.  Búin að senda henni mail. 

[Jenný Anna Baldursdóttir, 28.6.2009 kl. 09:17]

Velkomin heim Ía mín.

[Ragna Birgisdóttir (IP-tala skráð) 28.6.2009 kl. 11:08]

Hvíldu þig nú vel Ía mín.Kveðja.

[Jenný Stefanía Jensdóttir, 28.6.2009 kl. 16:08]

"Tónlist er eitt af sköpunarverkfærum mannlegrar skynsemi, ein kóróna vitsmunalífsins á jörðinni" er haft eftir Þorsteini Gylfasyni.

Hóflegur arfareitingur gerir sálatetrinu gott.  Gaman að lesa um strákaskammirnar

[Guðrún Emilía Guðnadóttir, 28.6.2009 kl. 17:41]

Velkomin heim elskan og ekki var hún af verri endanum þessi ferð.
Farðu nú vel með þig ljúfust.
Kærleik til þín
Milla