Jólakveðja frá Prag - Stjörnusteini - Tékklandi - Ó helga nótt.

  Elsku Soffa okkar, Steini, Þórir Ingi. mamma mín, tengdapabbi og allir aðrir ættingjar og góðir vinir.  Sendum ykkur hugheilar jólakveðjur með óskum um farsæld á árinu sem gengur í garð.  Þökkum allan ykkar stuðning á árinu sem nú er að líða. 

Megi ljósið lýsa ykkur nú sem fyrr og blessun Guðs fylgja ykkur á leið ykkar á lífsins braut.

Vildi að ég gæti sett hér inn lag en geri það í huganum Pie Jesu og vonast til þess að hann bróðir minn bjargi þessu fyrir mig á aðfangadag ef hann er þarna niðri í RÚV að vinna.  Þá veit ég að hann gerir það blessaður og ef þið heyrið þá er lagið sent frá okkur til ykkar.

Stórt jólaknús og njótið jólanna í faðmi fjölskyldu og vina.  Borðið vel og mikið en gle

ymir ekki smáfuglunum sem flögra úti í kuldanum og myrkrinu fyrir utan gluggana ykkar. 

Guð blessi ykkur öll. 

Ía og Þórir Gunnarsson að Stjörnusteini - Tékklandi.  

Skellt sér á markaðinn fyrir framan Bauhaus Prühonice. Varúð sumar myndir eru frekar óhugnalegar.

Hér ar4 hugmyndin að setja inn nokkrar myndir en því miður var það ekki fræðilegur möguleiki.  Hef ekki hugmynd hvers vegna það gekk ekki.  Reyni að setja þessar myndir inn seinna.

Ég var að hugsa um öll þau grenitré sem standa hér óhreyfð um allt Tékkland og engin fær svo mikið sem skera eitt lítið niður ja nema þá að planta þremur í staðin. 

Nei elskurnar mínar hér fer maður í Bauhaus og kaupir Normansþyn bara eins og allir hinir á Íslandi og hinum norðurlöndunum.  Það var ekki auðvelt að velja tré í - 15° frosti í dag en hvað......

Er þetta nógu gott spyr minn elskulegi? (hér átti að vera flott mynd af mínum elskulega skoða té) 

Neip, ekki að ræða það, ég vil þetta svona eiga jólatré að vera elskan, þétt og beinvaxin. (hér ein af mér með tréð sem endaði hér inni í stofu)

  Það var líka verið að selja Vatnakarfa þarna fyrir utan og ég biðst velvirðingar ef þessar myndir fara eitthvað fyrir brjóstið á sumum.  En svona er þessi siður.  Fiskurinn er seldur lifandi og flestir kaupendur fara með hann heim í fötu og lætur hann svo synda í baðkerinu fram að jólu meða til 23 des.  Þá er hann slægður og venjulega panneraður og steiktur á pönnu.  Fiskurinn er frekar ófrýnilegur og ekki beint hvítur á litin heldur svoan ljós brúnn.  Ekki mín deild. ) hér áttu að koma myndir sem eru frekar óaugnalegar frá markaðinum.  Fiskur í kerjum og þar sem verið er að slægja á fullu)  Oj bara.....

 

Þarna skoðar minn í kerin og jafnvel segir bara til þess að ganga fram af mér: ,, Hvernig væri að hafa Karfa í matinn á aðfangadag og sleppa bara rjúpunum?"

,,Bíddu´ert þú ekki alveg ílagi maður?"  Ja ekki nema þú viljir að krakkarnir hætti að koma í mat til okkar á aðfangadag.  Þá er þetta fín hugmynd og svínvirkar ef út í það er farið"  Halló!!!!!!!!!!!!!!

Hér sést slögtunarborðið og það er ekki langt í að velgjan þrengi sér upp í háls þegar maður nálgast þennan ófögnuð.  En sinn er siður í landi hverju, ekki líkar þeim trosið sem við borðum á Þorranum svo...............

Lofa ykkur myndum seinna þegar tölvudruslan e r komin í betri tengingu.

 

 

Ætli þetta sé alt vegna kuldans sem herjar hér á okkur í sveitinni.  Ekki ólíklegt.

 

 

Í máli og myndum á aðventunni

  Eins og alltaf hefur aðventan verið erilsöm en skemmtileg.  Nóg um boð hingað og þangað um borgina, tónleika.  Margt sem glatt hefur líkama og sál.  Ekki að spyrja að öðru hér í fallegu hundrað turna borginni okkar.

  au voru nokkur afmælin sem haldin voru og hér má sjá eitt afmælisbarnið, frumburðinn okkar með sinn frumburð, tekin fyrir viku þegar hann hélt upp á sitt 35. afmæli.  Glæsileg bæði tvö.  Mín með nuðið sitt sem er alveg nauðsynlegt eftir góðan mat.

  Í gær var haldinn laufabrauðsdagur og litla fjölskyldan hér í Prag kom saman og skar út heilan helling af kökum.  En vegna þess hvað ég hef litla þolinmæði í sollis dútl þá ákvað ég að koma með nokkrar piparkökur og mála þær með litla hnoðranum mínum sem var alsæl með þá ákvörðun.  Þegar hún var búin að fá nóg með að sleikja sína fingur þá bara stakk hún þeim að næsta manni og sagði:  Amma þú makka!   Já og já og amman makkaði og sagði nammi namm.....  eða þannig.    Hér má sjá listakonuna sem ætlar ekki að verða síðri listakona en langamma hennar.  Sjáið hvað hún er íbyggin á svipinn með tunguna út í öðru munnvikinu.  Amman hjálpaði aðeins við að mála skeggin á jóla.

Á milli þess þá settist amman og skar út einar þrjár að ég held laufabrauðskökur.  En´til að hvíla handleggina á því veseni þá söng hún jólasöngva og lék allan pakkan með.  Þarna er örugglega verið að syngja ,,Uppá stól stendur mín kanna!" Úff gott að hrista aðeins úr þreyttum handleggjum og leika með söngnum.  ,,J'olasveinar ganga um gólf og Adam átti syni sjö það var enn betra þá gat maður ruggað sér í lendunum líka. Sú stutta engan áhuga á þessari rugluðu ömmu sinni.  Enda bar hún að borra kivi.

  Eins og þið sjáið og heyrið þá er engin lognmolla hér frekar en fyrri daginn.  Í kvöld ætlum við að skreppa á tónleika en hann Guðni Emilsson er hér með kammerhljómsveitina sína frá Tübingen, Þýskalandi og bauð okkur að koma og hlusta í kvöld.  Þessir tónleikar verða í Rudolfinum í Smetana Hall.  Glæsilegu tónlistahöllinni hér í Prag.

Ég kveð ykkur nú að sinni með þessari fallegu mynd frá Parizka götunni í Prag sem liggur út frá Gamla Torginu.  Þið sem hingað hafið komið getið látið ykkur dreyma um að ganga þarna um í vetrarkyrrðinni innan um öll jólaljósin og ylm frá steiktum kastaníum.

Takk fyrir að líta hér inn.

 

 

Þetta er fyrir tengdabörnin að lesa............ meina það............... koma svo krakkar! Ekkert múður!

Fyrir þremur tímum leit ég upp og sá hvar minn elskulegi var búinn að yfirtaka MITT svæði í eldhúsinu.  Sko segi og skrifa mitt svæði.  Byrjaður á að skera lauk eins og Jamie Oliver og eins og engin væri morgundagurin.  Lifur og lungu út um öll borð, frosin og afþyðin.  Allt í gumsi og ég svona hvæsti aðeins að honum:  ,Hvað ertu eiginlega að gera í mínum helming eldhússins?" Æ hann alveg kipptist við og næstum skar af sér putta í öllum látunum en ég hélt bara áfram:  ,, Heyrðu ég er að fara að nota þetta bláss  NÚNA!!!!!!!!!"  Enn meiri kippingur og hann alveg svona eins og jólasveinn:  ,,Ha nú?" - Eg bara"   -,,Þú bara, nei það er ekkert svona núna"  Það eru að koma jól og ég hafði ætað mér að bæta við stigafjöldan hjá tengdabörnunum" 

Sko já ég hef ætlað mér að verða kosin BESTA TENGDAMAMMA 2009  ja alla vega að vera útnefnd.  ,,Hvurslags skilningaleysi er þetta maður!!!!! Halló burt með þessa lifur og dót það verður engin kæfa búin til hér í dag skal ég segja þér sveinki minn" 

Hann alveg á nálum tók allt draslið saman og skellti í mareneringu og út í ísskáp.  Og ég komst að borðinu til að halda áfram mínu ætlunarverki sum sé að koma mér í raðir bestu Tengó ever!!!! Meina það. 

Þið hafið séð hérna diplómana um BESTA MAMMA, BESTA AMMA, BESTI PABBI OG BESTI AFI nú hvers vegna ekki Besta tengdó?  Ég vil svoleiðis dipló frá mínum tengdabörnum. 

Þess vegna er ég búin að standa löðursveitt við eldavélina í þrjá tíma og leggja mig alla fram við að búa til Eplaskífur á danska mátan.  Eftir að hafa gert 58 tlraunir við að snúa helv.... bolunum á pönnunni þá tókst mér loksins að fá nokkurn vegin hringlaga bollu vá þvílík vinna við þetta sko nú lesið þið sem eigið að gefa mér diplómann eftir nokkra daga ekki seinna vænna að byrja að hanna skjalið. Annað elskurnar svo getið þið grætt á þessu komið því í umferð og selt eins og heitar epleskiver, eða hvað veit ég................

Mér var hugsað til aumingja húsmæðranna hér áður fyrr sem stóðu yfir hlóðunum og bjuggu til eplaskífur.  Þvílík vinna .. Sko og ekkert að segja mér núna að þetta sé auðvelt eða það sé komið eitthvað nýtt járn´.  Pannan mín er antik búin að eiga hana í þrjátíu ár eða lengur og hún virkar ef maður hefur þolinmæði til að nota þetta apparat.  En málið er að ég hef enga þolinmæði í svona dútl!!!!! En ok það eru hér 60 bollur, misfríðar eins og Halla vinkona mundi segja, en þær eru allt í lagi á bragðið, ég redda útlitinu með því að hylja þær með flórsykri og það miklum.

Jæja þá er ég búin að buna þessu út úr mér og nú skal maður fara í Laufabrauðsbakstur með litlu fjölskyldunni hér í Prag.  Dísús að ég hafi þolinmæði á að skera út kökur núna en ef til vill fæ ég prik ef ég held KJ og reyni að vera til friðs. 

Syngja bara með Þú nýfæddi Jesú og allt það get svo sem líka tekið Pier Jesu ef einhver vill eðalsound.

Til allra útvarpsmanna og nýja bókin hans Arnalds.

Hver hefur ekki lent í því að koma inn í viðtalsþátt hjá einhverri útvarpssröð og hugsa eða spyrja hvaða þáttur er þetta eða við hvern er verið að tala og líka um hvað er verið að ræða.  Örugglega hver einasti sem les þetta.  Og ég er viss um að margir verða alveg jafn pirraðir og ég þegar maður kemst ekkert inn í þáttinn eða skilur ekki bops vegna þess að það er eins og verið sé að dæla einhverju út úr kú í hljóðnema niðrí í útvarpi.  Ekki satt?  Jú segja flestir.  Auðvitað eru líka sumir sem gefa bara skít í hvað verið er að básúna í útvarpið sama hver stöðin er.

Jæja gott útvarpsfólk.  Hvernig væri nú að taka upp nýja hætti hjá öllum þessum fínu útvarpsrásum sem við höfum á Íslandi.  Mig langar svo til þess að biðja ykkur vinsamlega um að lesa þetta og jafnvel íhuga það sem ég vil hér koma á framfæri.

Við sátum hér áðan í eldhúsinu og einhver var að taka viðtal (held þetta hafi verið í Speglinum) við einhvern ég held rithöfund og var að tala um nýjasta ritverkið sem var að koma út eftir þennan merka mann.  Við hlustuðum svona með öðru eyranu þar til ég spurði minn elskulega hvort hann hefði tekið eftir því við hvern væri verið að tala?  Neip það hafði alveg farið fram hjá honum eins og mér. 

Þáfórum við að tala um hvers vegna fréttamenn tilkynntu ekki svona einu sinni eða jafnvel tvisvar hver viðmælandi þeirra væri og um hvað málið snerist.  Þetta þarf ekki að taka nema sákuntubrot af tíma og mundi létta öllum hlustendum óþarfa vangaveltur. 

Komið bara með þetta eftir þagnarpásu.  Ég er að tala við so and so um so and so, Svo lítið mál elskurnar mínar.  Allir hlustendur tækju ofan húfur og hatta fyrir ykkur ef þið vilduð vera svo væn að taka upp þennan sið sem tíðkast á flestum stöðum erlendis.

Síðan vil ég fræða ykkur á því að ég er hætt að reyna að bögglast í gegn um síðustu bókina hans Arnalds Indriðasonar.  Hvað er eiginlega í gangi.  Það halda allir ef ein bók gengur vel þá sé búið að koma þeim fyrir á stalli og það sé barnaleikur að skrifa ritverk!!!!!!!!!   Halló Arnaldur er því miður ekki sá eini af okkar góðu rithöfundum sem heldur þetta.  Því miður hefur borið á slaklegri frammistöðu hjá mörgum góðum undanfarið.  Hættið að halda að það sé hægt að hrista verkin úr erminni á nokkrum mánuðum, .það er misskilningur elskurnar mínar.

Ég hætti sem sagt að lesa þessa grautfúlu bók hans Arnalds og nú liggur hún hálfopin og 50 síður ólesnar af minni hálfu.  Nú má minn elskulegi taka þessa skruddu og reyna að komast í gegn um hana á skemmri tíma en hún ég.

Takk fyrir samt segir maður það ekki sko að sýna vilja í verki.  En vanda sig betur næst!!!! Elsku kallinn.

Svo mörg voru þau orð og nú er ég farin að lesa Gísla sögu Súrsonar eða bara Egilssögu, miklu meir spennandi en einhver doðrantur um allt og ekkert.

Afsakið en sitt sýnist hverjum ekki satt?

Og muna svo að kynna viðmælendur af og til útvarpsmenn góðir.  Það breytir öllu skal ég segja ykkur. 

 

Hann Egill okkar á afmæli í dag.

Hann glókollur minn á afmæli í dag.  Frumburðurinn orðinn þrjátíu og fimm ára.  Úps hvað mamman og pabbinn eru þá orðin gömul segir þá einhver.  Neip ekki að ræða það við erum enn kornung.

Ég man eftir því þegar ég var búin að dásama lækninn á Fæðingarheimilinu fyrir alla hjálpina eins og hann hefði búið til þennan mola minn þá setti sá stutti upp smá grettu í vöggunni til þess að mótmæla móður sinni og þá sá ég það.  Drengurinn hafði spékoppa föður síns svo það fór nú ekkert á milli mála hver hefði komið þarna við að verki. Það vottaði ekki fyrir spékoppum í alvarlegu andliti læknisins.  Svo þar með var málið afgreitt.

Eins og gengur og gerist verður haldin veisla og við mætum þar gamla slektið, prúðbúin og fögur eins og Bláfjöllin með jólakransa og ljósasjó í augunum. Í afmælisfíling, engin spurning.

Hafið þið tekið eftir því hvað erfitt er að finna afmælisgjafir handa börnunum þegar þau eldast.  Eiginlega ógjörningur.  Ég hafði nú ætlað að baka fyrir minn í dag eina gula, rauða og græna en þar sem nennan er ekki mikil og getan ef til vill í lágmarki held ég að hann verði að eiga það inni hjá mömmu sinni.  Þetta verður sjálfsagt afgreitt fyrir jólin.  Vonandi.

Jæja þar sem nú er sunnudagur og messan eiginlega alveg að byrja er best að koma sér í stellingar. 

Nei halló það er kominn þriðjudagur.  Svona hef ég misst úr daga núna. Andskotinn. 

Sendi góða kveðjur yfir hafið frá okkur hér að Stjörnusteini í fallega vetrarveðrinu hér í sveitinni.

Njótið aðventu og friðarljóss á þessum góða árstíma.

 

 

 

Jólin byrja að Stjörnusteini annað kvöld,

Á meðan Obama tók við friðarverðlaununum sátum við í norska Sendiráðinu hér í Prag á fyrsta degi kræsinga og ofáts sem kemur til með að standa yfir næstu vikur. 

Að sjálfsögðu kom veitingin upp á pallborðið og við ræddum þetta svona fram og til baka.  Annað sem rætt var af miklum áhuga var efnahagsástan okkar Íslendinga og hvort við værum alveg á því að ganga í EU.   Hvað veit ég um það.  Fáfróð manneskjan sem nennir ekki einu sinni að hugsa um pólitík hvað þá að setja mig niður við að skilja eymdarástan þjóðar minnar.

Nei, ef ég á að vera alveg hreinskilin við ykkur þá eru þessi boð mér alls ekki að skapi og mér yfirleitt hundleiðist.  Í kvöld var ég næstum, eftir að hafa gúffað í mig graflax, purusteik og tilbehör og créme Brullée á eftir og var komin með gubbunu upp í háls, var ég næstum búin að standa upp frá borðinu og komin hálfa leið út úr húsinu.  Það sem mér leið illa!!!!

Það tók óratíma að keyra þess 50 km heim og nú er ég aðeins farin að jafna mig enda sit hér með Cheddar ost í annarri og glamra á lyklaborðið á milli þess sem ég sting upp í mig bita.  Málið er að það er bráðnauðsynlegt á éta sig niður á hverju kvöldi ef maður á að lifa þessar vikur af.

Mér var tilkynnt af mörgum í kvöld að jólin byrjuðu alls ekki í IKEA enda þvílík fjartæða að halda því fram.  Jólin byrja hér heima hjá okkur að Stjörnusteini. 

Það voru all margir sem sögðu mér að þeir væru búnir að liggja á hnjánum í marga daga, slíta gat á margar buxur,  til þess að biðja um snjó eins og gerist hér í fyrra þegar við héldum okkar árlega jólaboð.  Nú verður boðið til veislu annað kvöld og hann verður heldur betur að taka sig saman í andlitinu ef hann ætlar að snjóa.  Það er hiti hér og ekkert líklegt að hann breyti því næstu klukkustundirnar.

En veislan verður á morgun og hlökkum við mikið til að fá vini okkar hingað í þessa árlegu jólaveislu.

Segi ykkur seinna hvernig til tókst.

Ætla ekki að segja ykkur hvað mér líður illa í maganum eftir þetta át í kvöld en mikið hrikalega var purusteikin góð.  Enda kom frá Nils á Kampa.

 

 

Mótmælaganga í Ósló

É á engan lopp amma.

Í gærkvöldi hringdi síminn og á hinum endanum var lítill þriggja ára gutti:  ,,Amma ég á engan lopp, þú verður að kaupa nýjan, minn er allt of lítill"

- ,,Ha áttu ekki hvað?" skildi ekki hvað hann var að fara.

,,Ég á ekki lopp" endurtók hann og hvæsti aðeins á eftir svona pínu pirró, þessi amma hans var ekki alveg með á nótunum þar til mamman kom í símann og sagði:  ,,Mamma hann er að segja að hann eigi engan slopp"

OK, svo ég í einfeldni minni spurði:  Jæja ég skal athuga hvort ég finn slopp en hvernig á hann að vera á litinn.  Smá þögn í síman síðan:

,,Sona Spider - man eða Super- man loppur!"  Smá dæs, þessi amma var ekki alveg að skilja þetta.

,,Nú ok"  sagði ég og bætti við ,,hvar fæst þannig sloppur?"

Hann alveg búinn á því að ræða þessi sloppamál ,, Í HM heyrist frá mömmunni og síðan alveg búinn á því frá þeim stutta  ---- ,,blessssss"

Nú þá veit ég það. Og fer í þessi mál eftir helgi.

Sem betur fer var ég búin að kaupa harðan pakka handa honum í jólagjöf svo þetta verður bara nýársgjöf. 

 Ætla að kalla það kósígjöf. Spiderman loppur.

 

 

Sænska Lucian ætlar að yfirkeyra þetta. Ég býð hingað Grýlu og Leppalúða í staðin

Ég vil alls ekki vera vanþakklát, svo sannalega ekki nú þegar hátíðin nálgast óðfluga með hverjum deginum.  Nei, alls alls ekki, hemst nei inte tale om.

Málið er að í dag barst okkur þrjú boðskort á Luciukvöld, dag- morgun- og kvöldverðarboð.  Sko eitt Luciuboð með syngjandi fallegum ljóshærðum stelpum í pífukjólum er alveg nóg en þrjú!!!!!!!!!!!!

Halló minnir mig eitthvað svo mikið á jólalagið hans Gísla Rúnars um fimm feitar mjaltakerlingar og sjö syngjandi svani.  Alveg á tæru að Gísli fékk þennan texta lánaðan hjá frændum vorum Svíum.  Ég er alveg sjúr á því.  Eitthvað svo hrikalega sænskt við allan textann.  Svo kemur þetta sjö syngjandi Luciur frá morgni til kvölds.

Hvernig fer ég að því að afþakka eitthvað af þessu án þess að móðga elskulegu Svíana vini okkar.  Það sem hægt er að koma manni í vandræði svona rétt fyrir jólin.  Mér fannst allt annað alveg nóg þó þrír Luciutónleikar bættust ekki á dagsskrána hjá okkur.

Nú megið þið ekki halda að mér sé illa við lagið og þessa athöfn.  Neip, mér finnst þetta virkilega fallegt og lagið einhvern vegin sogast inn í heilann ef maður heyrir það einu sinni og situr þar næstu dægur.   Það er gallinn við þetta.

Nei mér finnst þetta svo fallegt að eitt sinn fékk ég lánaðar Luciurnar frá sænska sendiráðinu til að koma og syngja í boði heima hjá okkur.  Allir héldu að þetta væri sænsk/íslenskur siður.

' Mig vantar ekkert svona núna ég er að undirbúa Grýlu og Leppalúðakvöld hér heima á föstudagskvöldið með tilheyrandi jólasveinum komandi úr fjöllunum á Íslandi. 

Hér verður ruslaralýður og illþýði í boði en ekkert Santa Lucia.

Skemmtileg andstæða á fólk eftir að segja. 

Já við Ísendingar erum alltaf dálítið spes og barbaraleg þegar kemur að veisluhöldum. 

Er farin að finna illþýðið sem er hér falið í einhverjum kassa frá því í fyrra.  

Klósettrúlan sem spilar jólalögin og Jólinn sem hvarf af heimilinu okkar.

Búin að finna jólagjöfina handa hverjum og einum í fjölskyldunni. 

Eitthvað svo notadrjúgt og um leið skemmtilegt og gleður sál sem auga!

Alveg hreina satt!  Þetta er klósttrúlluhaldari með svona Ipod tengingu.  Það tók mig smá stund að fatta hvað þetta var.  Hélt fyrst að þetta væri til að hlaða símann en kom í ljós þegar ég fór að lesa.  Þú smellir Ipodinum þarna niður í hólfið þegar þú sest á lúguna og svo bara spilar hann þína uppáhaldstónlist um leið og þú gerir þínar þarfir með tilheyrandi óhljóðum eða söngli því auðvitað syngur þú með t.d. ,, White Christmas"  voða kósi tæki.

Nú fá allir sem einn svona græju frá okkur hér að Stjörnusteini og ég tek það fram að það er ekki hægt að skila þessu.  Keypt á netinu heheheh þar fór ég alveg með þetta fyrir ykkur.

Þetta er miklu sniðugra en WC haldarinn sem ég sá í einu húsi hér í fyrra sem spilaði alltaf Ho ho ho Merry Christmas um leið og þú snertir rúlluna svo húseigendur gátu fylgst mjög vel með hvað þú notaðir mörg bréf. 

Það kallar maður nú bara að hnýsast í persónuleg mál og ansi frekt.

Neip, segi og skrifa þetta tæki er það besta sem ég hef séð.

Já það er margt sem maður getur keypt og glatt fólk með um hátíðarnar.

Fyrir nokkrum árum átti ég svo sniðurgan ,,Sveinka"  Þetta var nú bara svona hausinn af Jóla gamla sem ég setti út við útidyrnar og um leið og einhvern bar að garði sagði hann:  Hó,hó hó og svo kom eitthvað voða ljúft jólalag. 

Nágranni okkar sem þá var frá Skotlandi hrindi einn morguninn hjá okkur um miðjan desember og spurði hvort það væri mögulegt að þagga niður í þessu óféti?  Með svona löngu P  L  E  A  S  E  á eftir beiðninni.

Vi héldum það nú en spurðum hvers vegna þetta færi svona í taugarnar á honum.  Þá kom svarið:  Sko þegar ég er að laumast heim á nóttunni ( hann stundaði mörg jólaboðin með vinnufélögum) þá byrjar helv..... í góla og hún Laura mín vaknar og allt kemst upp.  Hvað ég er seinn á ferð og hvernig ásigkomulagi ég er í.

Nohhh...sollis, No problemo my friend. Við kipptum Jóla úr sambandi en einhverja hluta vegna hef ég ekki orðið vör við hann síðan þessi jól í Prühonice.  Alla vega ekki rekist á hann hér að Stjörnusteini í mörg ár.

Hvar ertu Jóli minn? 

 Farin að leita úti í geymslunni eða hér í einhverjum kassanum.

Finn hann vonandi langar svo að hengja hann út við hliðið.

Hann lítur nákvæmlega eins út og fyrir þrjátíu árum. Ætli hann hafi látið klóna sig?

Sumt get ég auðveldlega leitt hjá mér en annað getur farið þvílíkt í mínar fínustu.  Fyrir nokkrum mánuðum var fólk að kvarta undan auglýsingunum sem birtast hér til hægri þegar þú opnar Mbl.is  Mér gæti eiginlega ekki staðið meir á sama nema þegar ég í vor eða snemmsumars tók eftir því að góðvinur minn frá 1969 birtist á síðunni sem einn af aðalleikurunum í kvikmynd sem átti að byrja að frumsýna í einhverju kvikmyndahúsanna í Rvík. 

Þarna var hann kominn ljós lifandi alveg ein og hann leit út fyrir þrjátíu og eitthvað árum.  Með sömu gleraugun og allan pakkann. Nú er sjálfsagt einhver orðinn forvitinn og spyr:  Hver?  Um hvern er verið að tala?  Nú hann Magga Axels.  Get svarið það þarna droppar hann upp þrjátíu árum seinna og hefur ekki breyst baun.  Nákvæmlega alveg eins og hann leit út á þessum árum. 

Hver er Maggi Axels?  Jú hann útskrifaðist sem leikari með mér 1972, síðan gerðist hann ljósavitringur niðrí gamla Iðnó en held að hann starfi núna sem fasteignasali.  Hef ekki séð hann í mörg herrans ár.  En fyrr má nú rota en dauðrota.  Bara koma svona fram og láta alla halda að hann sé að leika aðalhlutverkið í The Hangover.  Einhvern gaur sem heldur á barni og spyr:  Howse baby is this? 

Ég vona að þeir fari að taka þessa auglýsingu út svo ég verði ekki alveg galin að hafa þetta fyrir augunum dagsdaglega.  Please!!!!!!!!!!!!!  Do it NOW!!!!!!!!!!!!!

Ef þú lest þetta Maggi minn sem er nú frekar ólíklegt væri gaman að heyra frá þér.  Léstu klóna þig? 

Þessi hlaup á milli eldhúss og borðstofu hafa sett toll á mínar eðal fætur og ruglað heilabúið verulega í dag.

Dagurinn er búinn að vera svona upp og niður, út og suður.  Hlaupa úr einu í annað.  Aðallega að ganga frá eftir kalkúnveisluna í gærkvöldi.  Hér sjáið þið minn elskulega í Benihana ham, get svo svarið fyrir það.  Þið sem þekkið japanska steikhúsið Benihana vitið hvað ég er að fara.  Sjáið hvernig hann mundar hnífinn við að ,,carva" fuglinn sem var heil átta kíló fyrir sjö manns. 

 Sjáið hvað minn er happy go lucky!!!!!

Já sem sagt á milli þess sem ég hljóp inn í eldhús og setti í uppþvottavélina vegna þess að ég nennti ekki að klára það í gærkvöldi, fór út og rak kattarkvikindi, sko villikött, sem var á kafi í ofnskúffunni löðrandi í fitu af fiðurfuglinum, leit eftir hvort ofninn sem var að sjálfhreinsa sig kveikti nokkuð út frá sér eins og einu sinni gerðist næstum því, heppin þá að vera heima.  Þá var ég á kafi að skrifa jólakort til ykkar allra, nema ykkar aularnir sem ég tók út af listanum og þíðir ekkert að röfla yfir því, búið og gert! 

Sko svona leit borðstofuborðið mitt út og svo verðið þið að ímynda ykkur skíðlogandi arineld í horninu á stofunni.  Koma svo, setja ímyndunaraflið í gang! 

Ok ég er búin að skrifa þessi 200 kort sem senda á hingað og þangað um heiminn.  Léttir? Já ekkert smá!

Nú get ég einbeitt mér að eldhúsinu sem er alveg að fara að taka á sig mynd eftir tiltekt dagsins frá klukkan níu í morgun. Ef einver er að undrast hvar Barbara er þá er hún í fríi í dag.  Bara eintómt vesen.

Jæja ég ætla nú að fara að huga að kalkúnsafgöngum og laga risa BLT samloku að hætti Ameríkana.

Síðan verður kvöldið tekið með ró og spekt.

Farin að bæta á arininn. 

Asnar búin að segja ykkur það, Barbara er í fríi í dag. 

 Þarf að gera allt sjálf!

Þíðir ekkert að smella á þetta ALLT, hefur ekkert að gera með sjá nánar, oh þið eruð svo miklir aular, meina það!

 

Allt tilbúið fyrir fullveldishátíðina hér að Stjörnusteini.

  Eins og sjá má á þessari mynd þá er allt tilbúið fyrir afmælishátíðina, 1. des fagnað og fyrstu viku í aðventu sem sagt allt í einum pakka hér í kvöld. 

Kalkúninn mallar hér í ofninum og það komast ekki fleiri pottar á eldavélina svo eitthvað verður að mæta afgangi en allt reddast þetta.

Í kvöld verðum við litla fjölskyldan hér í Prag og komum okkur í svona smá jólaskap.  Sakna þess að hafa ekki Soffu okkar og fjölskyldu hér núna en bara næsta ár.

Svo til hamingju með daginn kæru landar!  Ekki seinna vænna að óska ykkur til hamingju með daginn þar sem langt er liðið á hann, ja alla vega hér í þessu landi.

Njótið vel hvar sem þið eruð stödd á jarðarkringlunni.

Krans lagður að leiði Jóns Sigurðssonar

Spádómskertið tendrað í dag.

Fyrsti sunnudagur í aðventu

  Það er orðið jólalegt hér að Stjörnusteini og jólastemmning sem aldrei fyrr.  Allt sem ég missti af í fyrra verður tekið tvöfalt inn núna. 

Ég hef það á tilfinningunni að þessi aðventa verði okkur skemmtileg og hátíðleg með ógrynni af allra handa uppákomum heima sem heiman.

Njótið kæru vinir mínir og ekkert stress. Ég ætla alla vega ekki að halda jólin í skápum eða geymslunni svo allt þrifnaðaræði verður látið bíða fram á vorið.

  Njóta bara og njóta hverrar mínútu.

 

Jólamarkaðurinn hér í Prag

 Hér gefur að líta mynd frá jólamarkaðinum í Prag, Tékklandi.  Jólatréð sem glitrar þarna spilar jólalög og hringir klukkum á heila tímanum. 

Ég las frétt frá Þýskalandi um daginn þar sem greint var frá að kona hefði orðið undir jólatré í stórmarkaði í Þýskalandi.  Fyrir um þremur árum gerðist það hér að þrír urðu undir samskonar tré og sést hér á myndinni.  Einn lét lífið og hinir tveir slösuðust verulega.  Ástæðan fyrir því að tréð féll var að þeir höfðu ekki strengt það nógu vel á milli húsa. Líka það að þeir gerðu ekki ráð fyrir vindhviðum á þessum árstíma.  Það blaktir venjulega aldrei hár á höfði hér vetrarmánuðina. 

Best að taka engan séns hér.  Standa bara álengdar og horfa í andagt.

Á sunnudaginn verður jólamarkaðurinn opnaður með tilheyrandi hátíðahaldi.  Annars finnst mér Kristkind - markt í Nürnberg sá allra besti sem ég hef séð hér á meginlandinu. Að vera viðstödd opnunina þar er stórkostlegt.

Þetta var bara svona hugleiðsla um jólamarkaðinn.

Farin að skrifa jólakveðjur til vina og vandamanna.     

Helstu jólamarkaðir í Evrópu